16.01.2026 | 18:09
«Ռոսատոմ»-ի ձեռնարկության տնօրենը ձերբակալվել է՝ Ուկրաինայի զինված ուժերին ֆինանսավորելու կասկածանքով
ԱՄՆ-ն Ադրբեջանի իշխանություններին կրկին կոչ է անում ազատ արձակել քաղբանտարկյալներին
Քաղաքականություն
30.03.2023 | 16:22
ԱՄՆ-ն կրկին կոչ է անում Ադրբեջանի իշխանություններին ազատ արձակել բոլոր քաղաքական բանտարկյալներին, այդ թվում ՝ փաստաբան, իրավապաշտպան Էլչին Մամեդին։ Այս մասին ադրբեջանական Թուրան գործակալության վաշինգտոնյան թղթակցին ասել է Պետքարտուղարության պաշտոնական ներկայացուցիչը։
«Մենք կոչ ենք անում անհապաղ ազատ արձակել Էլչին Մամեդին և այլ ադրբեջանցիներին, որոնք ազատությունից զրկված են առանց հիմնավոր պատճառների, և կոչ ենք անում Ադրբեջանին հարգել խոսքի, միավորումների և հավաքների ազատությունը», – ասել է աղբյուրը։
Մարտի 30-ին լրանում է երեք տարին այն օրվանից, երբ Մամեդին ոստիկանությունը ձերբակալել է Սումգայիթ քաղաքի իր տանը՝ համացանցում Ադրբեջանում մարդու իրավունքների իրավիճակը քննադատող զեկույցի հրապարակումից հետո:
Նրա գործը, մի քանի այլ դեպքերի հետ միասին, հիշատակվել է Պետդեպարտամենտի կողմից՝ որպես «Առանց արդարության» նախաձեռնության մի մաս: Բայդենի վարչակազմը հունվարին հայտարարել է, որ հանդես է գալու ամբողջ աշխարհում ոչ արդարացի կալանավորվածների ազատ արձակման օգտին։ Նրանց թվում է նաև ռուս հայտնի քաղաքական գործիչ և լրագրող Վլադիմիր Կարա-Մուրզան, որը կալանքի տակ է անցած տարվա ապրիլից։
Հավելենք, որ վերջին շրջանում ԱՄՆ պետքատուղարությունը, ամերիկացի առանձին կոնգրեսականներ, ինչպես նաև Բաքվում Միացյալ նահանգների դեսպանատունը հաճախ են դիմում Ադրբեջանի իշխանություններին՝ քաղբանտարկյալներին ազատ արձակելու կոչով։
Էմմա Չոբանյան
