15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Պուտինն ապրիլի 27-ին, հնարավոր է, այցելի Թուրքիա
Քաղաքականություն
30.03.2023 | 12:41
Թուրքիայի նախագահ Ռեջեփ Թայիփ Էրդողանը թուրքական մի շարք լրատվամիջոցների նախօրեին հարցազրույց է տվել, որում անդրադարձել է ՌԴ նախագահ Վլադիմիր Պուտինի հնարավոր այցին, գրում է Անադոլուն։
Էրդողանը չի բացառել, որ ապրիլի 27-ին Պուտինը կարող է այցելել Թուրքիա՝ կապված «Աքքույու» ԱԷԿ-ում միջուկային վառելիքի առաջին բեռնման հետ։ «Ներկայում մենք հաջողությամբ շարունակում ենք «Աքքույու»ԱԷԿ-ի կառուցումը։ Հնարավոր է՝ պարոն Պուտինն ապրիլի 27-ին ժամանի կամ մենք օնլայն ռեժիմով կապվենք և կանենք «Աքքույուի» առաջին քայլը»,-ասել է Թուրքիայի նախագահը։
Բացի այդ նա նաև նշել է, որ եթե չլինեին Թուրքիայի վերջին երկու տարիների ջանքերը, ապա որոշ ուժեր Արևմուտքում Թուրքիային կներքաշեին ՌԴ-ի դեմ ռազմական արշավի մեջ։ «Մենք թույլ չենք տա, որ դա տեղի ունենա։ Մեր նպատակն է հասնել արդար և կայուն խաղաղության Ուկրաինայի և Ռուսաստանի միջև։ Հուսով եմ, որ մեր վճռական միջնորդությամբ այս պատերազմը կավարտվի»,-ասել է Էրդողանը։
Էմմա Չոբանյան
