06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
ՄԱԳԱՏԷ-ն սկսել է Զապորոժիեի ԱԷԿ-ի պաշտպանության նոր հայեցակարգ մշակել
Քաղաքականություն
29.03.2023 | 18:42
ՄԱԳԱՏԷ-ն սկսել է Զապորոժիե ատոմային էլեկտրակայանի (ԶԱԷԿ) պաշտպանության նոր հայեցակարգ մշակել։ Այս մասին հայտարարել է կազմակերպության ղեկավար Ռաֆայել Գրոսսին գործարան կատարած այցի ժամանակ, գրում է News.ru-ն։
Գրոսսին ընդգծել է, որ ՄԱԳԱՏԷ-ի փորձագետները նախկինում կենտրոնացել էին կայանի շուրջ որոշակի անվտանգ գոտի ստեղծելու հնարավորության վրա, սակայն այժմ հայեցակարգը փոխվել է։ Կազմակերպությունը նախատեսում է ուղիներ գտնել հենց կայանը պաշտպանելու համար։
ՄԱԳԱՏԷ-ի ղեկավարը կոչ է արել միջոցներ ձեռնարկել Զապորոժիեի ատոմակայանը ավերիչ հարձակումներից փրկելու համար։
«Պետք է ձեռնարկել բոլոր հնարավոր միջոցները՝ կայանը ցանկացած հարձակումից պաշտպանելու համար»,- ասել է նա։
Գրոսսին ավելի վաղ ժամանել էր Էներգոդար՝ Զապորոժիեի ատոմակայանի տարածք։ Նրան ուղեկցել են ԱԷԿ-ի ղեկավարությունն ու տեխնիկական անձնակազմը։ ՄԱԳԱՏԷ-ի պատվիրակության կազմում ընդգրկված են մասնագետներ Սլովակիայից, Ճապոնիայից և Ֆրանսիայից, որոնք Գրոսսի հեռանալուց հետո կմնան կայանում։
Տաթև Ֆռանգյան
