19.02.2026 | 16:35
ԱՄՆ-ը սկսել է Սիրիայից դուրս բերել իր վերջին զորքերը. WSJ
ՌԴ-ի սպառնալիքները ՀՀ-ի դեմ չափազանցված են․ ԱԺ-ն պիտի՛ վավերացնի Հռոմի ստատուտը․ Անդրիաս Ղուկասյան․ ՏԵՍԱՆՅՈՒԹ
Քաղաքականություն
29.03.2023 | 19:32
Հայ կառուցողական կուսակցության ղեկավար, քաղաքագետ Անդրիաս Ղուկասյանը Factor TV-ի հետ զրույցում համոզմունք է հայտնում, որ Ռուսաստանի կողմից Հայաստանին ուղղված սպառնալիքները չափազանցված են, ինչը նշանակում է, որ ՌԴ-ից հնչող գնահատականները չպիտի՛ կաշկանդեն ՀՀ իշխանությանը՝ ավարտին հասցնել իր իսկ սկսած պրոցեսը՝ Հռոմի ստատուտի վավերացումը խորհրդարանում։
Անդրիաս Ղուկասյանը պնդում է, որ այս իրավիճակում Հայաստանի համար գնալով անհնար է դառնում Սերժ Սարգսյանի կառավարման օրոք թմբկահարվող «և՛, և՛»-ի քաղաքականությունը։ Քաղաքագետը նշում է, որ ՀՀ իշխանությունը պետք է գնա ԵՄ-ի հետ համաձայնագրի լիակատար իրագործման ճանապարհով և վերանայի իր ներկայությունը ՀԱՊԿ-ում, ԵՏՄ-ում, նաև՝ հայ-ռուսական հարաբերությունների ներկա տեսքը և բովանդակությունը քննարկման առարկա դարձնի։
Նա քննադատում է ՀՀ գործող իշխանությանը, որ նրանք հավատարիմ են հայ-ռուսական օրակարգին, և Փաշինյանի կառավարությունն առանց ՌԴ-ի որևէ քայլ չի անում՝ ըստ Անդրիաս Ղուկասյանի․ «Ի տարբերություն նույնիսկ Սերժ Սարգսյանի, որն իրականում 2013-ին «գցեց» ԵՄ-ին՝ Պուտինի հետ ստորագրելով Մաքսային միությանը միանալու մասին համաձայնագիր, Փաշինյանն անգամ իրեն չի էլ ներկայացնում եվրոպամետ»։
Խոսելով վերջերս Եվրախորհրդարանի կողմից ընդունված զեկույցի մասին՝ քաղաքագետը նշում է, որ դա իրականում վերջնագիր է ԵՄ-ի կողմից Ադրբեջանին։ Ըստ նրա՝ Ալիևին սպառնում է Սերբիայի նախկին նախագահ Միլոշևիչի ճակատագիրը, երբ նա ճնշեց Կոսովոյին, կոտորածներ սանձազերծեց, ինչից հետո ռազմական ուժով հարկադրված եղավ միջամտել ՆԱՏՕ-ն և հարկադրել նրան զորքերը հանել զավթած շրջաններից։ Իսկ վերջում Կոսովոն աշխարհի 100-ից ավելի երկրի կողմից ճանաչվեց անկախ պետություն։
Հարցազրույցն ամբողջությամբ՝ տեսանյութում։
Ռոբերտ Անանյան
