24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Լավրովը հույս է հայտնել, որ Իրանի և Ադրբեջանի միջև լարվածությունը շուտով կհաղթահարվի
Քաղաքականություն
29.03.2023 | 18:24
Ռուսաստանը հույս ունի, որ Իրանի և Ադրբեջանի միջև հարաբերություններում լարվածությունը ժամանակավոր բնույթ ունի և շուտով կվերանա։ Այս մասին Մոսկվայում Իրանի ԱԳ նախարար Հոսեյն Ամիր Աբդոլահիանի հետ համատեղ մամուլի ասուլիսում հայտարարել է ՌԴ ԱԳ նախարար Սերգեյ Լավրովը, գրում է ՏԱՍՍ-ը։
«Մենք հուսով ենք, որ Բաքվի և Թեհրանի հարաբերություններում առկա լարվածությունը ժամանակավոր բնույթ ունի և հնարավորինս շուտ կհաղթահարվի»,- ասել է Լավրովը։
Նրա խոսքով՝ այդ դժվարությունների հաղթահարումը կօգնի առաջ տանել եռակողմ համագործակցությունը Ռուսաստանի, Իրանի և Ադրբեջանի մասնակցությամբ, այդ թվում՝ «Հյուսիս-Հարավ միջազգային տրանսպորտային միջանցքի զարգացման շրջանակում կարևոր նախագծերի իրականացման համատեքստում»։
«Մենք պատրաստ ենք օգնել մեր ընկերներին առկա խնդիրների լուծման գործում»,- ասել է ՌԴ ԱԳ նախարարը։
Էմմա Չոբանյան
