16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ռուսաստանը կարող է չեղարկել Հայաստանի հետ միջազգային ռոումինգը
Քաղաքականություն
29.03.2023 | 15:33
Ռուսաստանը մտադիր է 2025 թվականին չեղարկել ԵՏՄ անդամ երկրների հետ միջազգային մուտքային ռոումինգը, գրում է «Վեդոմոստին»՝ վկայակոչելով Եվրասիական տնտեսական հանձնաժողովի հայցի հավելվածը, որն ուղարկվել է ԵՏՄ խոշոր բջջային օպերատորներին և ՌԴ Տնտեսական զարգացման նախարարությանը։
Ներկայում ԵՏՄ-ում միջազգային ռոումինգը չեղարկվել է Ռուսաստանի և Բելառուսի միջև, դրա շուրջ աշխատանքներ են տարվել 2017-2022 թվականներին։ Այժմ խոսքը միջազգային մուտքային ռոումինգի վերացման մասին է դաշնակից այլ պետությունների՝ Հայաստանի, Ղրղզստանի և Ղազախստանի հետ։
Աղբյուրի ներկայացրած ճանապարհային քարտեզի համաձայն՝ կապի օպերատորները նախ պետք է վերլուծեն և սկսեն աշխատել իրենց ցանցերում խարդախությունները կանխելու ուղղությամբ։
Մինչև 2024 թվականի վերջը պետք է մշակվեն «անդամ պետությունների տարածքում կապի ծառայությունների արդար սակագների օգտագործման կանոնները», իսկ 2025 թվականի սկզբին անհրաժեշտ է նվազեցնել միջազգային փոխկապակցման դրույքաչափերը։ Պարբերականը չի հստակեցնում, թե որքանով են իջեցվելու դրույքաչափերը։
«ՄՏՍ» ՓԲԸ-ի ներկայացուցիչը հրատարակությանը հայտնել է, որ իրենք պատրաստ են դիտարկել ԵՏՄ տարածքում բաժանորդների համար հարմարավետ սակագներ սահմանելու հնարավորությունը։ Միաժամանակ, ընկերությունը չի բացառում բջջային կապի բոլոր օպերատորների եկամուտների հնարավոր կորուստը, եթե միջազգային ռոումինգը չեղարկվի։
Տաթև Ֆռանգյան
