Բազմաթիվ պատգամավորներ «կիլոգրամներով» անշարժ գույքի վկայականներ ունեն․ հաջորդ անգամ ո՞ւմ տուն կմտնի ԱԱԾ-ն. ՏԵՍԱՆՅՈՒԹ

Լուրեր

28.03.2024 | 21:22
Լոնդոնի ընկերության հետ քննարկվել են Երևանի նոր գլխավոր հատակագծի մշակմանն առնչվող հարցեր
28.03.2024 | 21:07
Թուրքիայի քրդերի ձայնը կարող է որոշիչ լինել Ստամբուլի քաղաքապետի ընտրություններում՝ տապալելու Էրդողանի կուսակցության թեկնածուին․ անդրադարձ
28.03.2024 | 20:46
Իսրայելի պաշտպանության բանակը հայտնել է, որ ՀԱՄԱՍ-ի ավելի քան 200 զինյալ է սպանվել Շիֆայի հիվանդանոցում
28.03.2024 | 20:34
Երևանում ծառի ճյուղը թեքվել և ընկել է էլեկտրական լարերի վրա
28.03.2024 | 20:15
Լավրովը հայտարարել է, թե ԵՄ առաքելությունը Հայաստանում վերածվում է ՆԱՏՕ-ի առաքելության
28.03.2024 | 20:00
ԱՄՆ-ն և ԵՄ-ն կասեն Փաշինյանին՝ վե՛րջ տուր խաղերիդ, ասա՝ ո՞ւմ հետ ես, ՌԴ-Արևմուտք պատերազմ է․ Արա Պապյան․ ՏԵՍԱՆՅՈՒԹ
28.03.2024 | 19:44
Տուգանքի 50 տոկոսը վճարելու դեպքում պարտավորությունը կհամարվի կատարված. ՆԳՆ
28.03.2024 | 19:30
Գազայի բնակչության համար Հայաստանի ուղարկած մարդասիրական օգնությունը Եգիպտոսում է
28.03.2024 | 19:27
Էրդողանի կուսակցության խոսնակը հայտարարել է, թե «Կրոկուս»-ի ահաբեկչության հետևում օտար երկրի հետախուզություն է կանգնած
28.03.2024 | 19:15
Սամվել Շահրամանյանի հայտարարությունները կարող են ընկալվել որպես սահմանադրական կարգի տապալման փորձ․ Հայկ Կոնջորյան․ ՏԵՍԱՆՅՈՒԹ
28.03.2024 | 19:00
Կրեմլը ՌԴ-ի հայերի հետ սրիկայաբար է վարվելու, ընտրելու իրավունք ունեք․ կներեք, բայց ՀՀ անկախությունն է գերակա․ Նինա Կարապետյանց․ ՏԵՍԱՆՅՈՒԹ
28.03.2024 | 18:57
Եվրոպական խորհրդի քաղաքական եւ անվտանգության հարցերով կոմիտեի անդամները կայցելեն Հայաստան
28.03.2024 | 18:51
ՍԱՏՄ-ը Բելառուսից ստացել է նամակը, վերահսկողություն կիրականացնի «Արարատի կոնյակի գործարան»-ում
28.03.2024 | 18:41
Պուտինը հայտարարել է՝ եթե F-16-ներն օգտագործվեն Մոսկվայի դեմ ՆԱՏՕ-ի անդամ երկրներից, ՌԴ-ի համար օրինական թիրախ կդառնան
28.03.2024 | 18:30
Առաջիկայում ԼՂ ի բնակիչների բնակարանային ծրագրի մասին մեր որոշումը կհայտնենք․ նախարար․ ՏԵՍԱՆՅՈՒԹ
Բոլորը

Վարչապետ Նիկոլ Փաշինյանը Մանվել Գրիգորյանի վերաբերյալ իր ֆեյսբուքյան ուղիղ եթերում հայտարարեց, որ պատգամավորի տանը հայտնաբերել են կլիոգրամներով անշարժ գույքի վկայականներ։ Մ․Գրիգորյանը հայտարարագրել է 5 անշարժ գույք ՝ 2 հողամաս և 3 շինություն և 8 ավտեմեքենա: Չի բացառվում, որ նա ունի ավելի շատ անշարժ և շարժական գույք, բայց դրանք գրանցված լինեն իր մերձավորների անուններով: Նա իր հաշվին ունի նաև բավականին մեծ գումար՝ 405 մլն դրամ, 45 հազար դոլար և 45 հազար եվրո:

Իրավապահ մարմինները, հավանաբար, քննության կենթարկեն Ն․Փաշինյանի մատնանշած սեփականության վկայականների օրինականության հիմքերը, կփորձեն պարզել, թե ինչ միջոցներով կամ ինչ ճանապարհով է գեներալը դրանք ձեռք բերել կամ արդյոք նա այդպիսով պետությանը վնաս չի հասցրել: Բայց պակաս կարողության տեր չէ նաև Հանրապետական խմբակցության մեկ այլ պատգամավոր ու նորից գեներալ, մինչև ձերբակալվելը Մանվել Գրիգորյանի մտերիմ ընկեր Սեյրան Սարոյանը: Նա Գրիգորյանից քիչ սեփականության վկայականներ չունի, եթե ԱԱԾ-ն փորձի՝ նրա տանն էլ դրանցից մի մեծ տրցակ կհայտնաբերի: Ս․Սարոյանը հայտարարագրել է բազմաթիվ գյուղատնտեսական նշանակության և տնամերձ հողակտորներ, նա ունի նաև բազմաթիվ բնակարաններ, առանձնատներ Երևանում, էջմիածնում, Սոչիում, Ուկրաինայում և այլուր: Հավանաբար նույն Ազգային անվտանգության ծառայությունը կարող է պարզել, թե բանակին ուղարկված պահածոները տուն տանելու համար ընկերոջ վրա զարմացած գեներալ Սեյրան Սարոյանն ինքն ի՞նչ միջոցներով է նման կարողության տեր դարձել: Սակայն երբեմնի անբաժան գեներալական զույգը՝ Մ․Գրիգորյանը և Ս․Սարոյանը չեն մեր խորհրդարանի ամենահարուստ պատգամավորները: ԱԺ-ում նրանք բազմաթիվ են:Նրանց մեծ մասը Հանրապետական խմբակցության անդամներ են:

Հանրապետական խմբակցության պատգամավոր, Երևանի նախկին քաղաքապետ Գագիկ Բեգլարյանի եղբայր Հակոբ Բեգլարյանը Երևան քաղաքում, կենտրոնում ունի 2 բնակարան և 5 հասարակական տարածք կամ այլ անշարժ գույք: Արմավիրի մարզում ունի երկու հողակտոր 10,5 հեկտար ընդհանուր մակերեսով: Հակոբ Բեգլարյանը, մինչև պատգամավոր դառնալը, զբաղեցրել է մի շարք պետական պաշտոններ: Արդյոք նա իր այս կարողությունը կուտակել է օգտագործելով իր կամ եղբոր պաշտոնական լծակնե՞րը: Հարց, որը ոչ միայն Բեգլարյան եղբայրների, այլ շատերի դեպքում շարունակում է մնալ օդում կախված:

Իր փաստաթղթերում բազմաթիվ անշարժ գույք է գրանցել նաև Հանրապետական խմբակցության մեկ այլ պատգամավոր՝ Արագածոտնի նախկին մարզպետ Սարգիս Սահակյանի եղբայր Նաիրի Սահակյանը: Նա ունի ռեստորան, հյուրանոց, արտադրական շինություն, 3 առանձնատուն, տնամերձ հողակտորներ, բնակարան Երևանում, 3 անասնագոմ, տարբեր բնակավայրերում 8 արոտատեղիներ, հեկտարներով խոտհարքեր, վարելահողեր: Ն․Սահակյանը մեզ հետ զրույցում հերքեց, որ մարզպետ եղբոր պաշտոնական լծակների շնորհիվ է այդքան անշարժ գույք ձեռք բերել:

Իսկ արդեն «Բարգավաճ Հայաստան» կուսակցության ղեկավար Գագիկ Ծառուկյանի հայտարարագիրը վայել է իսկական միլիարդատիրոջը: Այնտեղ գրանցված գույքը, ինչպես ասում են, սկիզբ ունի ու վերջ չունի: Նա գրանցել է 6 անհատական բնակելի տներ և ամառանոց հարակից շինություններով, որոնցից 3-ը Առինջ գյուղում են, երկուսը՝ Սևանում, մեկը՝ Դիլիջանում: Հայտարարագրել է 9 հողամաս, որոնք կրկին գտնվում են Առինջում, Դիլիջանում, Սևանում, ինչպես նաև Ծաղկաձորում: Ունի 12 թանկարժեք ավտոմեքենա, ոսկյա և ադամանդյա զարդեր: Գ․Ծառուկյանը հայտարարագրել է 567 մլն դրամ, 4,5 մլն դոլար և 4 մլն եվրո: Նա ամբողջությամբ կամ մասնակիորեն սեփականատեր է ավելի քան 40 ընկերության:

Իսկ կոռուպցիայի դասական, թեև՝ ֆորմալ առումով օրինական, օրինակ կարելի է համարել քաղաքաշինության և բնապահպանության նախկին նախարար, այժմ Հանրապետական խմբակցության պատգամավոր Արամ Հարությունյանի արարքը, որն իր պաշտոնական լծակներն օգտագործելով սեփականացրել է Տիգրան Մեծի 4 հասցեում գտնվող մի հսկայական տարածք, այն վարձակալությամբ է տալիս տարբեր գերատեսչությունների և ամեն տարի պետական բյուջեից մեծ գումարներ ստանում:

Ի դեպ, ԱԱԾ-ն կարող է կիլոգրամներով սեփականության վկայականներ գտնել նաև Ա․Հարությունյանի տանը, նա իր փաստաթղթերում գրանցել է 19 անշարժ գույք, 2 բնակարան, 1 ավտոտնակ, 2 հասարակական նշանակության շինություն և 14 հատ հողակտոր: Նա ունի 1 մլն 270 հազար դոլար, իսկ 2017թ. մինչև պատգամավոր դառնալը ստացել է 46,5 մլն դրամ եկամուտ:

ԱԺ-ն մեկ տարի առաջ ընդունել է ապօրինի հարստացումը քրեականացնող օրենք, բայց այն չունի հետադարձ ուժ: Հենց այդ պատճառով էլ քննադատների կողմից այն ստացավ ապօրինի հարստացման համաներում բնորոշումը: Բայց ցանկության դեպքում օրենքները փոփոխության են ենթարկվում և համապատասխանեցվում ժամանակի պահանջին: Նոր իշխանությունները կարող են փոփոխություն կատարել այդ օրենքում և պատասխանատվության կանչել մեր ժողովրդի հաշվին ապօրինի կերպով հարստացած բոլոր պաշտոնյաներին:

Արմինե Ավետյան