17.05.2026 | 15:20
Քարոզարշավի 10-րդ օրն ունենք 1 զոհ, 10 ձերբակալված, բազմաթիվ քրեական գործեր․ Ագնեսա Խամոյան․ ՏԵՍԱՆՅՈւԹ
Ֆիզկուլտինստիտուտի դասախոսը հայտնել է, որ ուսանողն իրեն հարվածներ է հասցրել․ նախաձեռնվել է վարույթ
Հասարակություն
28.03.2023 | 19:26
Երեկ՝ մարտի 27-ին ՀՀ ՆԳՆ ոստիկանություն է դիմել ֆիզիկական կուլտուրայի և սպորտի ինստիտուտի դասախոս, 72-ամյա Հարություն Բաբայանը և հայտնել, որ ուսանող Ալբերտ Նիկոլյանն իր աշխատասենյակում հարվածներ է հասցրել իր գլխին, իրեն պատճառելով ֆիզիկական ցավ։
Այս մասին տեղեկությունը Factor.am-ի հետ զրույցում հաստատեց Քննչական կոմիտեի մամուլի խոսնակ Գոռ Աբրահամյանը։ Վերջինս մեզ հետ զրույցում ասաց, որ դեպքի առթիվ նախաձեռնվել է քրեական վարույթ՝ Քրեական օրենսգրքի 195-րդ հոդվածի 2-րդ մասով (ֆիզիկական ներգործությունը):
Այս պահին ուսանողը նախաձեռնված վարույթի շրջանակներում մեղադրյալի կարգավիճակ չունի, նախաքննությունը շարունակվում է։ Թե ինչն է եղել միջադեպի պատճառը, մեզ հայտնի չէ։
