05.11.2024 | 10:58
ՊԵԿ-ը բացահայտել է էլեկտրատեխնիկայի առևտրի ոլորտում շուրջ 1,3 մլրդ դրամի ստվերային շրջանառության դեպք
ԱՄՆ-ը Չինաստանին մտադիր է զրկել զարգացող երկրի կարգավիճակից
Քաղաքականություն
28.03.2023 | 12:45
ԱՄՆ-ի Կոնգրեսի Ներկայացուցիչների պալատը երկուշաբթի օրը՝ մարտի 27-ին, ընդունել է օրինագիծ, ըստ որի՝ ԱՄՆ-ի իշխանությունները պետք է ձգտեն Չինաստանին զրկել զարգացող երկրի կարգավիճակից միջազգային կազմակերպություններում ու համաձայնագրերում։ «Չինաստանը զարգացող երկիր չէ» վերնագրված օրինագիծը 415 ձայնով միաձայն հավանության է արժանացել, հայտնում է The Hill-ը։ Օրինագիծը հանձնարարում է պետքարտուղարությանը «հասնել Չինաստանի Ժողովրդավարական Հանրապետության կարգավիճակի փոփոխության՝ զարգացող երկրից միջինից բարձր, բարձր եկամուտ ունեցող կամ զարգացած երկրի կարգավիճակի այն բոլոր միջազգային կազմակերպություններում, որոնց կազմում են ինչպես ԱՄՆ-ը, այնպես էլ Չինաստանը, ինչպես նաև բոլոր միջագային պայմանագրերի ստորագրման ժամանակ, որոնց կողմ է հանդիսանում ԱՄՆ-ը։
Օրենսդիրները կարծում են, որ անկախ այն բանից՝ արդյո՞ք հաջողությամբ կավարտվեն այդ փորձերը թե՞ ոչ, ԱՄՆ-ին պետք է հասնի այն բանին, որպեսզի Չինաստանը չօգտվի «արտոնյալ վերաբերմունքից» ու չստանա «օգնություն զարգացող երկրի կարգավիճակ ունենալու պատճառով»։ Ենթադրվում է, որ ԱՄՆ-ի իշխանությունները պետք է հաշվետու լինեն Կոնգրեսի առաջ այս խնդիրների իրականացման ջանքերի վերաբերյալ։
Չինաստանի տնտեսությունն իր ծավալներով զիջում է միայն ԱՄՆ-ին։ Օրինագծի հեղինակներից Յան Կիմը հայտարարել է, որ Չինաստանը «չարաշահում է զարգացող երկրի իր կարգավիճակը՝ ստանալով «զարգացմանն ուղղված օգնություն և վարկեր միջազգային կազմակերպություններից»։
Տաթև Ֆռանգյան
