16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ադրբեջանի ԶՈւ-ն կրկին թիրախավորել է մարտակերտցիներին․ ԱՄՆ դեսպանը հանդիպեց ԱԺ ընդդիմության հետ․ Լուրեր
Քաղաքականություն
27.03.2023 | 18:25
- Արցախի ՆԳ նախարարությունից հայտնել են, որ ադրբեջանական զինուժը երեկ կրակել է Արցախի Մարտակերտ քաղաքի վարչական տարածքում պետական տեսչությունների կառավարման կոմիտեին պատկանող նռան այգում գյուղատնտեսական աշխատանքներ կատարողների վրա։ Վիրավորներ չեն եղել, սակայն գյուղատնտեսական աշխատանքները դադարեցվել են։ Ոստիկանությունը տեղեկությունը փոխանցել է ռուսական խաղաղապահ զորակազմին:
- Ադրբեջանի սադրանքներն ու ագրեսիվ հռետորաբանությունը չեն նպաստում տարածաշրջանում կայունության հաստատմանն ուղղված ջանքերին: Այս մասին հայտարարել է ԱԳ նախարար Արարատ Միրզոյանը՝ Չեխիայի դիվանագետների հետ հանդիպմանը։ Նա նշել է, որ Հայաստանի և Ադրբեջանի միջև խաղաղ հարաբերությունների հաստատման պայմանագրի շուրջ բանակցությունները այնուամենայնիվ շարունակվում են։
- Հայաստանում ԱՄՆ դեսպան Քրիստինա Քվինը հանդիպել է խորհրդարանի ընդդիմադիր խմբակցությունների ղեկավարների՝ Հայաստան խմբակցությունից Սեյրան Օհանյանի և Պատիվ ունեմից Հայկ Մամիջանյանի հետ։ Դեսպանն ընդգծել է Միացյալ Նահանգների պատրաստակամությունը՝ աջակցել Հայաստանի ժողովրդավարական ուղեգծին և տարածաշրջանում կայուն խաղաղության հաստատման ջանքերին։
Այս ժամի լուրերը՝ տեսանյութում։
