16.01.2026 | 20:45
Եպիսկոպոսը դատի է տվել Մայր Աթոռին, կաթողիկոսը՝ սառեցրել թեմի հաշիվները. ՏԵՍԱՆՅՈՒԹ
Էրդողանի աշխատակազմից հերքում են Պուտինի՝ Թուրքիա այցի մասին լուրերը
Քաղաքականություն
27.03.2023 | 13:06
Թուրքիայի նախագահ Ռեջեփ Թայիփ Էրդողանի աշխատակազմի աղբյուրը Ռիա Նովոստիին հայտնել է, որ իրենք տեղեկություն չունեն ՌԴ նախագահ Վլադիմիր Պուտինի՝ երկիր նախապատրաստվող այցի մասին, որի վերաբերյալ տեղեկություններ են տարածում մի շարք թուրքական լրատվամիջոցներ։ «Մենք նման տեղեկատվություն չունենք»,-ասել է լրատվամիջոցի զրուցակիցը։ Մասնավորապես, լրատվամիջոցները նշում են, թե Անկարան պատրաստվում է Պուտինի այցին, որը գաղտնի է պահվում, և ակնկալվում է, որ երկու առաջնորդները կքննարկեն հարցերի լայն շրջանակ և կայցելեն ավերիչ երկրաշարժերի շրջան։
Հավելենք, որ մարտի 25-ին Պուտինն ու Էրդողանը հեռախոսազրույց էին ունեցել, որի ընթացքում քննարկել էին Ուկրաինայում իրավիճակն ու երկկողմ հարաբերություններին առնչվող հարցեր։
Էմմա Չոբանյան
