15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ալիևի վարչակազմը Արցախի ներկայացուցիչներին կրկին հրավիրել է Բաքու՝ բանակցությունների
Քաղաքականություն
27.03.2023 | 12:12
Ադրբեջանի նախագահ Իլհամ Ալիևի աշխատակազմը Արցախի ներկայացուցիչներին կրկին հրավիրում է Բաքու՝ բանակցությունների, գրում են ադրբեջանական քարոզչական ԶԼՄ-ները։ Մասնավորապես նշվում է, որ որպես մարտի 1-ին Արցախի Իվանյան համայնքում տեղի ունեցած հանդիպման ու մարտի 13-ի հրավերի շարունակություն, Արցախի ներկայացուցիչներին կրկին առաջարկում են հանդիպում անցկացնել Բաքվում ապրիլի առաջին շաբաթվա ընթացքում՝ քննարկելու «վերաինտեգրման, ինչպես նաև Ղարաբաղում ենթակառուցվածքային նախագծերի իրականացումը»։
Հավելենք, որ Արցախի ներկայացուցիչների բանակցությունների նախորդ հրավերը տեղի էր ունեցել ադրբեջանական զինված ուժերի դիվերսիոն հարձակումից ու արցախցի երեք ոստիկանի սպանությունից հետո։ Այս անգամ էլ Բաքուն նման քայլի է դիմում շփման գիծը խախտելուց ու Արցախի տարածքում դիրքային առաջխաղացումից հետո։
Հիշեցնենք, Արցախի ներկայացուցիչները հրաժարվել էին Բաքվի ներկայացուցիչների հետ բանակցություններից այն բանից հետո, երբ ադրբեջանցիները սկսել են խոսել «վերաինտեգրումից»։
Էմմա Չոբանյան
