01.06.2026 | 14:28
Այն, ինչ չէր կարելի Սերժ Սարգսյանին, կարելի է Փաշինյանի՞ն.Փաշոյանը՝ 3-րդ ժամկետի պաշտոնավարման մասին․ ՏԵՍԱՆՅՈՒԹ
Ավստրիայում ներկայացվել է «ՀՀ ժողովրդագրության ռազմավարության» նախագիծը
26.03.2023 | 11:46
Օրեր առաջ ԱՍՀ նախարար Նարեկ Մկրտչյանի գլխավորած պատվիրակությունն Ավստրիայի Կիրառական համակարգերի վերլուծության միջազգային ինստիտուտում (IIASA) ներկայացրել է «Հայաստանի Հանրապետության ժողովրդագրության ռազմավարության» նախագիծը։
Նախարարության տեղեկացմամբ՝ ռազմավարական փաստաթուղթը ներկայացվել է Վիտգենշտայնի ժողովրդագրության և համաշխարհային մարդկային կապիտալի կենտրոնի ու IIASA-ի մասնագետներին, տեղական և միջազգային այլ փորձագետների, որոնցից շատերն իրենց մասնակցությունն են ունեցել ռազմավարության մշակման գործում։
Ռազմավարության ներկայացմանը հաջորդել է քննարկում, որի ընթացքում ներկաների կողմից հնչել են մի շարք հարցեր և առաջարկներ։
Հիշեցնենք, որ «Հայաստանի Հանրապետության ժողովրդագրության ռազմավարության» նախագծի մշակման հիմքում դրվել են Հայաստանի ժողովրդագրության վերաբերյալ փաստական համապարփակ տվյալներ ու կատարված մի շարք հետազոտություններ։
Նախագծում ներկայացվել են Հայաստանի Հանրապետության ժողովրդագրական պատկերի բարելավման հիմնական ուղղությունները, սկզբունքները, ռազմավարական նպատակները և դրանից բխող ծրագրերն ու միջոցառումները։
Հիմք ընդունելով հնչած առաջարկները՝ կիրականացվեն համապատասխան լրամշակումներ, որից հետո նախագիծը կներկայացվի շահագրգիռ կողմերի քննարկմանն ու հանրային կարծիքի։
Ռազմավարության մշակման աշխատանքներն իրականացնում է «Ամերիա» կառավարման խորհրդատվական ծառայությունը՝ Աշխատանքի և սոցիալական հարցերի նախարարության պատվերով, ՄԱԿ-ի Բնակչության հիմնադրամի ֆինանսական աջակցությամբ։
