14.12.2024 | 19:57
Ինչ իրավիճակ է ճանապարհներին 19։35-ի դրությամբ
Գյումրիում դատում են Հնդկաստանի սահմանախախտ քաղաքացու
Հասարակություն
25.03.2023 | 11:40
Շիրակի մարզի ընդհանուր իրավասության դատարանում՝ դատավոր Սաթենիկ Անդրեասյանի նախագահությամբ, սկսվել է ՀՆդկաստանի քաղաքացի Նարեշ Ջայի Կումարիի նկատմամբ նախաձեռնված քրեական վարույթի դատավարությունը։ Վերջինս, ըստ քրգործի, մեղադրվում է հայ-վրացական սահմանն ապօրինի հատելու մեջ։
«Նարեշ Կումարիին մեղադրանք է առաջադրվել այն բանի համար, որ 2022թ. հոկտեմբերի 8-ին Վրաստանի Նինոծմինդայի տարածաշրջանի Սամեբա գյուղի տարածքից ապօրինի՝ առանց սահմանված փաստաթղթերի և պատշաճ թույլտվության, միայնակ, որպես հետիոտն հատել է վրաց-հայկական պետական սահմանը, մուտք գործել Հայաստանի Հանարպետություն և Շիրակի մարզում տեղակայված ՀՀ ԱԱԾ սահմանապահ զորքերի ուղեկալի ծառայողների կողմից բռնվել է հայ-վրացական պետական սահմանագծից 250 մետր հեռավորության վրա»,- գրված է նրան առաջադրված մեղադրանքում:
Դատական նիստը հետաձգվել է թարգմանչի՝ դատարան չներկայանալու պատճառով։
Հաջորդ դատական նիստը տեղի կունենա մարտի 31-ին։
Արմիկ Մովսիսյան
