15.10.2026 | 18:16
Բաքվում Լավրովն ու Ֆիդանն Ուկրաինայի ճգնաժամի արդարացի կարգավորումն են քննարկել
Նոր մանրամասներ Չելյաբինսկում խեղդված 3 հայ ընտանիքի մասին
04.07.2017 | 12:43
ՌԴ Չելյաբինսկի մարզում այսօր ավարտվել են Մաքսիմկա լճում մահացած վերջին անձի որոնումները, հաղորդում է 1obl.ru-ն:
Հուլիսի 2-ի երեկոյան այնտեղ հանգստի մեկնած երեք հայ ընտանիք զրկվել է տղամարդկանցից և երեխաներից: Կանանցից մեկը զրկվել է և՛ ամուսնուց, և՛ երկու որդիներից՝ 2-ամյա Արսենից և 15-ամյա Արտյոմից: Նրա ամուսինն ափից նետվել է օգնության, սակայն չի կարողացել: Մտերիմների խոսքերով՝ ընտանիքը վաղուց արդեն պատրաստվում էր Չեսմայից տեղափոխվել Կրասնոդարի երկրամաս, նրանք այնտեղ տուն էին կառուցել:
«Հուղարկավորությունը տեղի կունենա Կրասնոդարում: Կինը կմեկնի, չի ցանկանում այստեղ ապրել: Ասում է, որ նա չի մնա այստեղ ոչ մի րոպե»,- պատմել է ընտանիքի բարեկամ Մամիկոն Օսիպյանը:
Հաղորդվում է, որ նավի շրջվելու պատճառը եղել է գերբեռնվածությունը: Հայտնի է դարձել նաև, որ ընտանիքի անդամները տոնում էին մահացածներից մեկի դստեր դպրոցական ավարտական օրը:
Ինչպես ավելի վաղ հայտնել էր Factor.am-ը ՌԴ Չելյաբինսկի մարզում երեկ նավակի շրջվելու հետևանքով երեք հայ եղբայրներ են զոհվել։ Նավակով զբոսանքը կյանքի գին է ունեցել նաև նրանց երեխաներից 4-ի համար։
