15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Զելենսկին հայտարարել է Ուկրաինայի համար պայքարի վճռական փուլի մասին
Քաղաքականություն
24.03.2023 | 18:30
Ուկրաինան այժմ գտնվում է իր անկախության և ինքնիշխանության համար պայքարի վճռական փուլում։ Այս մասին հայտարարել է երկրի նախագահ Վլադիմիր Զելենսկին՝ Կիևի Ազգային գվարդիայի ինստիտուտի սպաների ավարտական արարողության ժամանակ, գրում է Korrespondent-ը՝ վկայակոչելով պետության ղեկավարի մամուլի ծառայությունը։
Նա նշել է, որ Ազգային գվարդիան դարձել է պետության ընդհանուր պաշտպանական համակարգի առանցքային տարրերից մեկը, որը թույլ չի տալիս ՌԴ-ին հաղթել Ուկրաինային։
«Մենք այժմ գտնվում ենք մեր անկախության, ինքնիշխանության համար պայքարի վճռական փուլում, Ուկրաինայի համար դարեր շարունակվող պայքարի, որը դարձել է մեր ժողովրդի տարբեր սերունդների կյանքի բովանդակությունը»,- ասել է Զելենսկին։
Ուկրաինայի նախագահը նաև ընդգծել է, որ չի կասկածում, որ կկարողանան պաշտպանել Ուկրաինան և «շահել երկարաժամկետ անվտանգություն, ազատություն և խաղաղություն ուկրաինացի ժողովրդի համար»։
Տաթև Ֆռանգյան
