27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Ջո Բայդենը Թուրքիային և Հունգարիային դուրս է թողել Ժողովրդավարության գագաթնաժողովի հրավիրյալների ցանկից
Քաղաքականություն
24.03.2023 | 16:06
ԱՄՆ նախագահ Ջո Բայդենը ՆԱՏՕ-ի երկու դաշնակիցների՝ Թուրքիային և Հունգարիային դուրս է թողել ԱՄՆ վարչակազմի կողմից կազմակերպված Ժողովրդավարության երկրորդ գագաթնաժողովի հրավիրյալների ցուցակից՝ չնայած ավելացրել է ևս ութ երկիր, այդ թվում՝ Գամբիան, Մավրիտանիան և Մոզամբիկը։ Այս մասին հայտնում է Foreign Policy-ն, փոխանցում է Gercek News-ը։
Գագաթնաժողովը, որը Բայդենի վարչակազմի արտաքին քաղաքականության հիմնական նախաձեռնություններից է, նպատակ ունի ամրապնդել ժողովրդավարություններն ամբողջ աշխարհում և հակազդել ավտոկրատիաների աճին:
ԱՄՆ երեք պաշտոնյաներ, որոնք զրուցել են Foreign Policy-ի հետ, հաստատել են, որ այս երկրներին չհրավիրելն արտացոլում է աճող մտահոգությունը երկու երկրներում ժողովրդավարության հետընթացի աստիճանի հետ կապված:
Ժողովրդավարության առաջիկա գագաթնաժողովը, որը նախատեսվում է անցկացնել մարտի 28-ից մարտի 30-ը, կներառի Վաշինգտոնում և չորս գործընկեր երկրներում՝ Կոստա Ռիկայում, Հարավային Կորեայում, Նիդեռլանդներում և Զամբիայում անհատական և վիրտուալ միջոցառումների համադրություն: Գագաթնաժողովին պատրաստվում են մասնակցել Ջո Բայդենի վարչակազմի ամենաբարձրաստիճան պաշտոնյաներից 20-ը:
Հավելենք, որ այս տարվա գագաթնաժողովին Ադրբեջանը ևս չի հրավիրվել՝ ի տարբերություն Հայաստանի, որն արդեն երկրորդ անգամ է մասնակցության հրավեր ստանում։
Էմմա Չոբանյան
