08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Իրանցի պաշտոնյան զգուշացրել է Ալիևին՝ չվտանգել սեփական հարաբերական անդորրը
Քաղաքականություն
24.03.2023 | 14:41
Իրանի Իսլամական խորհրդատվական խորհրդում Թավրիզի ներկայացուցիչ Ալիրեզա Մոնադին հայտարարել է, որ «Իլհամ Ալիևը չպետք է վտանգի իր հարաբերական անդորրը»։ Այս մասին հայտնում է EADaily-ն՝ վկայակոչելով Iranist-ը։
«Մենք կոչ ենք անում Ալիևին իր գործողություններով վտանգի չենթարկել իր ժողովրդի կյանքն ու հարաբերական անդորրն աշխարհում տնտեսական ճգնաժամի պայմաններում։ Հայաստանի հետ մեր սահմանը մեր երկրի ակտիվներից մեկն է, և մենք հուսով ենք, որ Ալիևը ճիշտ որոշում կկայացնի, քանի որ մենք Ադրբեջանի հետ բարիդրացիական հարաբերություններ ունենք, և այդ գործողությունները կարող են միայն թուլացնել մեր հարաբերությունները»,- ասել է Ալիրեզա Մոնադին։
Նա շեշտել է, որ Իրանը թույլ չի տա կտրել Հայաստանի հետ իր սահմանը։
«Իսլամական Հանրապետությունը թույլ չի տա ՀՀ հետ մեր սահմանները կտրել։ Հայաստանը նույնպես ցանկանում է պահպանել այդ սահմանը․ ոչ ոք չպետք է դրան խանգարի»,- հավելել է իրանցի պաշտոնյան։
Տաթև Ֆռանգյան
