19.03.2026 | 23:17
Էստոնիան մեղադրել է Ռուսաստանին օդային տարածքի խախտման համար
Չի կարելի թույլ տալ Ռուսաստանին հանգստանալ. Բլինքեն
Քաղաքականություն
24.03.2023 | 13:54
Ռուսաստանին ռազմաճակատում հանգստանալու հնարավորություն չի կարելի տալ, ամենափոքր «հանգստի» դեպքում նա կվերախմբավորի ուժերը և նորից հարվածներ կհասցնի Ուկրաինային։ Այս մասին հայտարարել է ԱՄՆ պետքարտուղար Էնթոնի Բլինքենը, փոխանցում է Korrespondent-ը։
Բլինքենը նշել է, որ Պուտինը մտադիր չէ հետ կանգնել Կրեմլին Ուկրաինայի լիակատար ենթակայության մասին իր գաղափարից։
«Նա չի հարգում Ուկրաինայի տարածքային ամբողջականությունը, ցանկանում է այն ներառել ռուսական կայսրության կազմում»,- ասել է Բլինքենը։
Նա նաև հիշեցրել է, որ Ուկրաինայի անկախությունն ու ինքնիշխանությունը հստակորեն ճանաչված են Սահմանադրությամբ և միջազգային փաստաթղթերով, և այդ նորմերը չեն վերանա, ինչպես իրենք՝ ուկրաինացիները։ Բլինքենն ընդգծել է, որ ԱՄՆ-ը ցանկանում է խաղաղություն հաստատել Ուկրաինայի տարածքում։
«Մենք հուսահատորեն խաղաղություն ենք ուզում, թեև ուկրաինացիները դա ավելի շատ են ցանկանում, քան որևէ մեկը: Ի վերջո, նրանք են, որ ամեն օր ենթարկվում են այդ ագրեսիային, նրանք ցանկանում են կայուն խաղաղություն, որն արտացոլում է միջազգային համակարգի և ՄԱԿ-ի կանոնադրության հիմնական սկզբունքները»,- ընդգծել է պետքարտուղարը։
Բլինքենը հավելել է, որ ԱՄՆ-ը չի ցանկանում, որ Ռուսաստանը հնարավորություն ունենա հանգստանալ, վերախմբավորվել և մեկ կամ ավելի տարի անց կրկին հարձակվել Ուկրաինայի վրա։
Ավելի վաղ Բլինքենը հայտարարել էր, որ ԱՄՆ-ը կշարունակի Ուկրաինային աջակցություն ցուցաբերել անվտանգության, տնտեսության, էներգետիկայի, հումանիտար ոլորտներում։
Տաթև Ֆռանգյան
