09.09.2026 | 09:44
Հանրապետությունում ավտոճանապարհներն անցանելի են
Բուհերը կուսակցականացված չեն. Ժաննա Անդրեասյան. ՏԵՍԱՆՅՈՒԹ
Քաղաքականություն
24.03.2023 | 12:26
Մարդու իրավունքն է լինել կուսակցական, և մենք չենք կարող ասել, որ կրթության ոլորտի ոչ մի աշխատակից չպետք է կուսակցության անդամ լինի: Այս մասին այսօր մամուլի ասուլիսին ասաց Կրթության, գիտության, մշակույթի և սպորտի նախարար Ժաննա Անդրեասյանը: Նա նշեց, որ խնդիրն այն մասին է, որ ինչ-որ լծակներ գործադրվեն որևէ կուսակցության օգտին գործունեութուն ծավալելու համար:
«Ես վստահաբար կարող եմ ասել, որ բուհերը կուսակցականացված չեն, այն իմաստով, որ որևէ բուհի առաջ չկա դրված քաղաքական խնդիր, կուսակցական խնդիր և չի կարող դրված լինել»,- ասաց նախարարը:
Անդրեասյանը` անդրադառնալով ռուսական դպրոցներ Հայաստանում բացելու մասին հարցին, նշեց, որ դեկտեմբերին տեղի է ունեցել հայ-ռուսական միջկառավարական հանձնաժողովի նիստ, որի արձանագրությունում ֆիքսվել է, որ պետք է ստեղծվի աշխատանքային խումբ և այդ խումբը ստեղծվել է, որը պետք է քննարկի կոնցեպտը:
«Այդ ծրագրի շրջանակներում նոր շենքերի մասին է խոսքը, ոչ թե գործող: Մենք բովանդակությունն ենք քննարկում և կարծում ենք, որ շենքերի կառուցման մասին խոսելը շատ վաղ է, պետք է հասկանանք ինչի համար է կառուցվում, հետո հասկանանք՝ պետք է կառուցել, թե ոչ»,- նշեց նախարարը:
Մանրամասները տեսանյութում:
