24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Նախ պետք է կառուցվի ակադեմիական քաղաքը, հետո խոսվի՝ ուսանողների տեղափոխման մասին. նախարար․ ՏԵՍԱՆՅՈՒԹ
Հասարակություն
24.03.2023 | 12:12
«Մենք ուշադրություն ենք դարձնում ակադեմիական քաղաք ծրագրի աշխատանքներին, որը կառավարության ամենամեծածավալ ծրագրերից մեկն է: Այս մասին այսօր իր պաշտոնավարման 100 օրվան նվիրված ասուլիսի ժամանակ նշեց ԿԳՄՍ նախարար Ժաննա Անդրեասյանը:
Այստեղ մենք ճշգրտել ենք մեր ճանապարհային քարտեզը, թե ինչպես է շարժվենք: Եկող շաբաթ կկարողանանք շրջանառել ակադեմիական քաղաք ծրագրի իրականացման կառույցի ստեղծման նախագիծը»,- նշեց նախարարը՝ ընդգծելով, որ նախ պետք է կառուցվի ակադեմիական քաղաքը, հետո խոսվի՝ ուսանողների տեղափոխման մասին:
Նա նաև հայտնեց, որ խոսքը շատ մեծ կառույցի մասին է, և արդեն հստակեցվել է ակադեմիական քաղաքի տեղադիրքը՝ երեք կլաստերներում։
«Արվեստի կլաստերը լինելու է «Հայֆիլմի» տարածքում, երկրորդ կլաստերը Ֆիզիկայի ինստիտուտի տարածքում, որտեղ պետք է լինի տեխնոլոգիական ուղղվածության բուհը, և երրորդ կլաստերը բավական մեծ է լինելու, այստեղ տեղակայվելու են թե՛ կրթական, թե՛ սպայական, ինչպես նաև հնարավոր է միջազգային կամ միջպետական բուհեր»,- նշեց Անդրեասյանը:
Նախարարը հավելեց, որ նախատեսվում է նաև ակադեմիական քաղաքում ունենալ ժամանակակից համերգասրահ, կինոթատրոն, կինոարտադրության ենթկառուցվածքներ:
Մանրամասները՝ տեսանյութում:
