24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Փհենյանը հայտարարել է նոր ստորջրյա սարքի մասին, որը պայթյունի միջոցով «գերհզոր ռադիոակտիվ ցունամի» է առաջացնում
Քաղաքականություն
24.03.2023 | 15:32
Հյուսիսային Կորեան փորձարկել է նոր ստորջրյա անօդաչու սարք, որը կարող է միջուկային զենք կրել։ Փհենյանից հայտնել են, որ դրա առաքելությունն է՝ գաղտնի հասնել օպերատիվ գոտի և ստորջրյա պայթյունի միջոցով «գերհզոր ռադիոակտիվ ցունամի» առաջացնել՝ ոչնչացնելու թշնամու նավերն ու գլխավոր նավահանգիստները, փոխանցում է DW-ի ռուսական ծառայությունը:
Կորեայի կենտրոնական հեռագրային գործակալության (KCNA) տվյալներով՝ սարքի փորձարկումը պատասխան է ԱՄՆ-ի և Հարավային Կորեայի վերջին համատեղ զորավարժություններին, որոնք, ըստ Փհենյանի, վատթարացրել են իրավիճակը տարածաշրջանային անվտանգության ոլորտում։
KCNA-ն նաև հայտնել է, որ մարտի 22-ին Հյուսիսային Կորեան փորձարկել է ռազմավարական թևավոր հրթիռներ, որոնք «հագեցած են միջուկայինին նմանվող մարտագլխիկներով»։
Մարտի 13-ին մեկնարկած Հարավային Կորեայի և ԱՄՆ-ի՝ վերջին հինգ տարվա ընթացքում ամենախոշոր համատեղ զորավարժությունների ֆոնին Հյուսիսային Կորեան արդեն մի քանի հրթիռ է արձակել։
Տաթև Ֆռանգյան
