20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
ԼՂ-ում նոր առաքելության տեղեկայմանը պետք է համաձայնություն տան ինչպես ՀՀ-ն, այնպես էլ Ադրբեջանը․ ՌԴ ԱԳՆ․ ՏԵՍԱՆՅՈՒԹ
Քաղաքականություն
23.03.2023 | 16:39
Լեռնային Ղարաբաղում նոր միջազգային առաքելության տեղակայման համար անհրաժեշտ է ինչպես Հայաստանի, այնպես էլ Ադրբեջանի համաձայնությունը, ինչը ՌԴ-ն չի տեսնում։ Այս մասին իր ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Մոսկվայում ՀՀ ԱԳՆ ղեկավար Արարատ Միրզոյանի հայտարարությունը, որ «Հայաստանն ակնկալում է ՌԴ աջակցությունը Լեռնային Ղարաբաղում միջազգային փաստահավաք առաքելություն ուղարկելու հարցում»։
Զախարովան նշել է, որ նման համաձայնություն դեռևս կա միայն ռուս խաղաղապահների տեղակայման հետ կապված։
«Ռուս խաղաղապահները հետևողական քայլեր են ձեռնարկում տարածաշրջանում անվտանգության և կայունության ապահովման, ինչպես նաև էսկալացիան կանխելու համար։ Շատ բան, իհարկե, կախված է մնացած հակասությունները լուծելու և լուծումներ փնտրելու քաղաքական կամքից և հենց կողմերի իրական տրամադրվածությունից»,- հավելել է Զախարովան։
Մանրամասները՝ տեսանյութում։
Տաթև Ֆռանգյան
