16.01.2026 | 18:09
«Ռոսատոմ»-ի ձեռնարկության տնօրենը ձերբակալվել է՝ Ուկրաինայի զինված ուժերին ֆինանսավորելու կասկածանքով
Սպառնացել էր վարորդին, ապա կողոպտել․ նախաձեռնվել է քրեական վարույթ
Հասարակություն
23.03.2023 | 13:46
Ոստիկանության Արարատի բաժնի համայնքային ոստիկանները օպերատիվ տեղեկություններ էին ստացել, որ մարտ ամսին ոմն Նիկոլայ Սուրենավան բնակավայրում կատարել է կողոպուտ: Ձեռնարկված ստուգողական միջոցառումների արդյունքում պարզվել է նրա ինքնությունը՝ Երևան քաղաքի 40-ամյա բնակիչ. տեղեկացնում են ՀՀ ոստիկանությունից։
Պարզվել է նաև, որ 40-ամյա տղամարդը մարտի 16-ին Սուրենավան գյուղի կենտրոնական ճանապարհին նստել է «Մերսեդես» մակնիշի մի մեքենա և վարորդից պահանջել, որ մեքենան վարի Մարմարաշեն բնակավայրի ուղղությամբ՝ սպառնալով, որ հակառակ դեպքում կվնասի:
Արմաշցի վարորդը վախից իջել է մեքենայից և կանգնելով քիչ հեռվում՝ նկատել է, թե ինչպես է տղամարդը բացահայտ հափշտակում մեքենայի նվագարկիչը՝ բարձրախոսներով, համարանիշերը և անձնագիրը:
Արարատի ոստիկանների ձեռնարկած միջոցառումների արդյունքում մարտի 22-ին 40-ամյա տղամարդը Մասիս քաղաքի Հանրապետության փողոցում հայտնաբերվել, ձերբակալվել և տեղափոխվել է բաժին: Նա և կազմված փաստաթղթերը ներկայացվել են Վեդիի քննչական բաժին, որտեղ նախաձեռնվել է քրեական վարույթ:
`
