25.11.2024 | 09:31
Փակ է «Ամբերդ»-ից Քարի լիճ տանող ճանապարհը
Միջազգային քրեական դատարանն ափսոսանք է հայտնել հնչեցված սպառնալիքների կապակցությամբ՝ Պուտինին ձերբակալելու օրդերի պատճառով
Քաղաքականություն
23.03.2023 | 14:26
Միջազգային քրեական դատարանի օրենսդիր մարմինն ափսոսանք է հայտնել դատարանի հասցեին հնչեցված սպառնալիքների կապակցությամբ՝ ՌԴ նախագահ Վլադիմիր Պուտինին ձերբակալելու օրդերի պատաճառով, գրում է VOA-ն։
ՄՔԴ Մասնակից պետությունների ասամբլեայի նախագահությունը, որը միավորում է 123 երկիր, իր հայտարարության մեջ ափսոսանք է հայտնել «միջազգային ջանքերին խոչընդոտելու փորձերի համար, որոնց նպատակն է պատասխանատվություն ապահովել այն գործողությունների համար, որոնք արգելված են ընդհանուր միջազգային իրավունքով»:
Վեհաժողովը նաև «վերահաստատում է իր շարունակական աջակցությունը Միջազգային քրեական դատարանին», ասվում է հայտարարության մեջ։
Հիշեցնենք՝ Ռուսաստանի նախկին նախագահ Դմիտրի Մեդվեդևը Հաագայի դատարանին սպառնացել էր գերձայնային հրթիռի «կետային կիրառմամբ»՝ ի պատասխան Պուտինի ձերբակալության օրդերի։
Երկուշաբթի Մոսկվան հայտարարեց, որ քրեական հետաքննություն է սկսել ՄՔԴ դատախազ Քարիմ Խանի և մի քանի դատավորների դեմ՝ ուկրաինական պատերազմի պատճառով Պուտինին ձերբակալելու անօրինական որոշման համար:
Տաթև Ֆռանգյան
