10.04.2026 | 19:27
Պուտինի վարկանիշը ՌԴ-ում ամենացածրն է 2022 թվականի փետրվարից ի վեր
Հարձակվել են վարչապետի մեքենայի վրա Փարիզում, ձու են նետել․ ՀՀ արգելվել է այդ մարդկանց մուտքը․ Զարեհ Սինանյան․ ՏԵՍԱՆՅՈՒԹ
Քաղաքականություն
22.03.2023 | 19:47
Հայաստանի իշխանություններն արգելել են մի շարք հայերի և ոչ հայերի մուտքը Հայաստան։ Նրանք միայն կոնկրետ մեկ երկիր չեն ներկայացնում․ օրինակ՝ ՌԴ-ից արգելված է Մարգարիտա Սիմոնյանի, Կոնստանտին Զատուլինի, Արամ Գաբրիելյանովի ու ևս մի քանի հոգու մուտքը, Ֆրանսիայից՝ Մուրադ Փափազյանինը և այլոց, և այս դեպքում հիմնականում դաշնակցականների մուտք է արգելվել։
Factor TV-ի հարցազրույցում Սփյուռքի գործերով գլխավոր հանձնակատար Զարեհ Սինանյանին հարց ուղղեցինք՝ ի՞նչ սկզբունքներից ելնելով է արգելվում այս մարդկանց մուտքը, որովհետև երբեմն կարող է տպավորություն ստեղծվել, որ իշխանության դեմ հայտարարություններ անելը, քննադատելն է պատճառը։
«Դուք նկարագրեցիք երկու կատեգորիայի մարդկանց, ես տարանջատեմ, որ չխառնենք։ Մի կատեգորիայի մարդիկ առնչվում են կոնկրետ մեկ կուսակցության հետ, և խոսքը գնում է քաղաքական այդ հոսանքի շատ նեղ հատվածի մասին։ Երբ դա տեղի է ունեցել, ես քննարկման չեմ մասնակցել։ Նրանք մասնակցել են մի ակտի, որի ընթացքում ֆիզիկական հարձակման է ենթարկվել մեր պետական դրոշը կրող և վարչապետին տեղափոխող մեքենան։ Ցույցեր շատ են եղել պաշտոնյաների դեմ, բայց սա բացառիկ է եղել, որովհետև ձու են նետել մեքենայի վրա։ Դա Փարիզում է եղել։ Այս մարդիկ առնչվում են կոնկրետ միջադեպի հետ։ Երկրորրդ կատեգորիայի մարդիկ նրանք են, որոնք չլինելով ՀՀ քաղաքացիներ՝ մեր պետականության դեմ ակտիվ գործունեություն են ծավալում»,- ասաց Սփյուռքի գործերով գլխավոր հանձնակատար Զարեհ Սինանյանը։
Հարցազրույցն ամբողջությամբ՝ տեսանյութում։
Ռոբերտ Անանյան
