19.03.2026 | 23:17
Էստոնիան մեղադրել է Ռուսաստանին օդային տարածքի խախտման համար
Հորդանանի խորհրդարանը կողմ է քվեարկել Իսրայելի դեսպանին արտաքսելու օգտին
Քաղաքականություն
22.03.2023 | 20:14
Հորդանանի Ներկայացուցիչների պալատը քվեարկել է Ամմանում Իսրայելի դեսպանին արտաքսելու օգտին։ Այս մասին հայտնել է Petra գործակալությունը։
Նշվում է, որ որոշումն ընդունվել է Իսրայելի քարտեզի տարբերակի հետ կապված, որը ելույթի ժամանակ ամբիոնում տեղադրել է Իսրայելի ֆինանսների նախարար Բեզալել Սմոտրիչը։ Քարտեզն իր մեջ ներառել է նաև Հորդանանի տարածքը և պաղեստինյան տարածքները։
Հորդանանցի խորհրդարանականները Սմոտրիչի գործողությունները որակել են որպես Իսրայելի իշխանությունների «ամբարտավան վերաբերմունքի» վկայություն, որը «չի հարգում միջազգային ոչ մի համաձայնագիր»։
Բացի սկանդալային քարտեզը ցուցադրելուց՝ իսրայելցի նախարարը մարտի 19-ին Փարիզում հրեական համայնքի մասնավոր միջոցառման ժամանակ ունեցած ելույթում հայտարարել է, որ Պաղեստինի ժողովուրդ գոյություն չունի։
Տաթև Ֆռանգյան
