16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Մոլդովան հետ է կանչել ԱՊՀ-ում իր հերթական ներկայացուցչին․ կառույցից դուրս գալու գործընթացը սկսված է
Քաղաքականություն
22.03.2023 | 18:42
Մոլդովան հետ է կանչել ԱՊՀ գործադիր կոմիտեի տնտեսական համագործակցության վարչությունում իր ներկայացուցչին։ Համապատասխան որոշումն ընդունվել է մարտի 22-ին կառավարության նիստում։ Թեոդոր Յովուն հետ է կանչվել ԱՊՀ գործադիր կոմիտեի փոխտնօրենի, տնտեսական համագործակցության վարչության ղեկավարի պաշտոնից, փոխանցում է Korrespondent-ը։
Որոշումն ուժի մեջ կմտնի ապրիլի 14-ից։ Յովուն այս պաշտոնում նշանակվել էր 2020 թվականի դեկտեմբերին։
Ավելի վաղ Մոլդովայի խորհրդարանը հետ էր կանչել ԱՊՀ միջխորհրդարանական վեհաժողովում իր ներկայացուցչին։
Հիշեցնենք, որ փետրվարին Մոլդովայի ԱԳՆ ղեկավարը հայտարարել էր ԱՊՀ շրջանակներում մի քանի տասնյակ համաձայնագրերից դուրս գալու գործընթացի մեկնարկի մասին։ Երկիրը մոտ 330 ԱՊՀ համաձայնագրերի կողմ է, որոնք այլևս արդիական չեն։ Նշվել էր, որ Մոլդովան հայտարարել է ԵՄ-ին անդամակցելու մասին, և արտաքին քաղաքական բոլոր նպատակները և մասնակցությունը միջազգային կազմակերպություններում ստորադասվելու են եվրաինտեգրման նպատակին։
Տաթև Ֆռանգյան
