08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Զելենսկին կրկին այցելել է Բախմուտ
Քաղաքականություն
22.03.2023 | 17:51
Ուկրաինայի նախագահ Վլադիմիր Զելենսկին կրկին այցելել է Դոնեցկի շրջանի առաջնագիծ և պարգևատրել Բախմուտի պաշտպաններին, գրում է Unian-ը։
Նշվում է, որ Զելենսկին այցելել է Բախմուտի ուղղությամբ տեղակայված ուկրաինացի զինվորականների դիրքեր։ Նա լսել է ռազմաճակատի այս հատվածում օպերատիվ իրավիճակի և ռազմական գործողությունների ընթացքի մասին զեկույցները, զրուցել զինվորականների հետ և շնորհակալություն հայտնել Ուկրաինայի պաշտպանության համար։
«Ես պատիվ ունեմ այսօր լինել այստեղ՝ մեր պետության արևելքում՝ Դոնբասում, և պարգևատրել մեր հերոսներին, շնորհակալություն հայտնել ձեզ, սեղմել ձեր ձեռքերը: Շնորհակալություն Ուկրաինայի արևելքը, պետությունը, ինքնիշխանությունը պաշտպանելու համար»,- ասել է Զելենսկին։
Նա զինվորականներին նաև պետական պարգևներ է հանձնել։ Բացի այդ Զելենսկին այցելել է զինվորականներին, որոնք բուժվում են վնասվածքներից։
Հավելենք, որ Զելենսկին վերջին անգամ Բախմուտ էր այցելել 2022 թվականի դեկտեմբերին։ Քաղաքում արդեն մի քանի ամիս է՝ ծանր մարտերը շարունակվում են։
Էմմա Չոբանյան
