Քաղաքականություն
22.03.2023 | 21:01
Ֆրանսիացիները շարունակում են բողոքել կենսաթոշակային բարեփոխումների ընդունման դեմ։ Մարսելի մերձակայքում ցուցարարները փակել են A55 մայրուղին, փոխանցում է Euronews-ը։
«Պրովանս» պարբերականի տվյալներով՝ երկրի երկրորդ քաղաքի մուտքի մոտ 8 կիլոմետրանոց խցանում է գոյացել։ Տեղում ոստիկաններ են աշխատում։ Ցուցարարները նաև անվադողեր են այրում՝ արգելափակելով Մարսելի նավահանգստի մուտքը։
Լիոնի արվարձաններում համալսարանի մասնաշենքերից մեկը փակվել է ուսանողների դասադուլի պատճառով։ Քաղաքից հարավ գտնվող խոշոր նավթավերամշակման գործարանի աշխատակիցների 40%-ը դադարեցրել է աշխատանքը։ Ռոն դեպարտամենտի պրեֆեկտուրան դեռևս որևէ խնդիր չի հայտնաբերել գազալցակայանների մատակարարման հետ կապված։
Նախօրեին Փարիզում բողոքի ցույցերի ժամանակ, որոնք վերածվել են Հանրապետության հրապարակում անկարգությունների, 46 մարդ է ձերբակալվել։ Միջադեպեր են գրանցվում Գրենոբլում, Ռենում, Լիլում և Նանտում բողոքի ցույցերի ժամանակ:
Մինչդեռ և՛ Ելիսեյան պալատը, և՛ արհմիությունները պատրաստվում են իններորդ համազգային գործադուլին, որը նախատեսված է հինգշաբթի։ Երկրի իշխանությունները կանխատեսում են, որ գործադուլին կմասնակցի 600-800 հազար մարդ։
Արտաքին գործերի նախարար Ջերալդ Դարմանինը հայտարարել է, որ բողոքի ցույցերի ժամանակ կարգուկանոնը կպահպանեն 12 հազար ոստիկաններ և ժանդարմներ։
#Paris, impossible de sortir de la place de la #Republique, les sorties sont bloqués, utilisation de gaz lacrymogène par la police. Le vent repousse le gaz vers eux. #reformesdesretraites#blocage#manifestations#reformedesretraites #reformeretraites… pic.twitter.com/qlyxWNmh68
— Jules Ravel (@JulesRavel1) March 21, 2023
Տաթև Ֆռանգյան
