Ես շատ հանգիստ նայում եմ արցախցիների աչքերին. Հայկ Կոնջորյան. ՏԵՍԱՆՅՈՒԹ

«Ես շատ հանգիստ եմ նայում մեր արցախցի քույրերի և եղբայրների աչքերին, պարբերաբար հանդիպում եմ արցախցի գործընկերների հետ, քննարկումներ ենք ունենում ու ներկայացնում  ենք այն ամենը՝ ինչ Հայաստանի իշխանությունները իրականացնում են։ Լաչինի միջանցքի փակման պահից սկսած մենք օգտագործում ենք դիվանագիտական բոլոր գործիքները, որ օր առաջ հասնենք նրան, որ Ադրբեջանը վերջ տա ապօրինի շրջափակմանը, բացի ճանապարհը։ Մենք ենք, որ ըստ էության հարցը մտցրել ենք ՄԱԿ–ի Անվտանգության խորհուրդ, մեր դիմումի համաձայն է, որ Արդարադատության միջազգային դատարանը կայացրել է այդ որոշումը, սրանք քայլեր են, որոնք կաթիլ առ կաթիլ պետք է ձևավորեն ընդհանուր ճնշման կրիտիկական զանգվածը, որից հետո միջազգային հանրության հետ միասին պետք է Ադրբեջանին ստիպենք, որ բացի միջանցքը։ Մենք մեր բոլոր ռեսուրսները մոբիլիզացրել ենք, որ օր առաջ կարողանանք բացել միջանցքը, բայց մենք նաև տեսնում ենք, որ Ադրբեջանը չի պահում ստանձնած որևէ պարտավորություն, և աստեղ մենք անելիք ունենք, որ ստիպենք Ադրբեջանին կատարել իր վրա դրված պարտավորությունները։ Սա դժվար ճանապարհ է, խաղաղության ճանապարհը հեշտ չէ, բայց գուցե հակառակորդի հաշվարկը հենց այն է, որ մեզ սադրի և մենք հրաժարվենք դիվանագիտական գործիքակազմից, սկսենք անկանոն շարժումներ անել, որոնք նրանց հիմք կտան լեգիտիմացնելու ապագա հնարավոր էսկալացիան»,- ճեպազրույցի ժամանակ ասել է «Քաղաքացիական պայմանագիր» խմբակցության ղեկավար Հայկ Կոնջորյանը։

Մանրամասները՝ տեսանյութում։