08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Վրաստանի խորհրդարանը վերանայման է վերադարձրել ապաօլիգարխացման մասին օրինագիծը
Քաղաքականություն
21.03.2023 | 16:25
Վրաստանի խորհրդարանը վերանայման է վերադարձրել ապաօլիգարխացման մասին օրենքի նախագիծը՝ հաշվի առնելով Վենետիկի հանձնաժողովի առաջարկությունները։ Այս մասին հայտնում է «Նովոստի Գրուզիան»։
Նշվում է, որ հարցն արդեն արտացոլված է ընթացիկ շաբաթվա լիագումար նիստերի օրակարգում։
Վրաստանի խորհրդարանի նախագահ Շալվա Պապուաշվիլին նշել է, որ օրենքի նախագիծը, որը պետք է երրորդ ընթերցմամբ քվեարկության դրվեր, կվերադարձվի վերանայման՝ Վենետիկի հանձնաժողովի դիտողությունները հաշվի առնելու և համապատասխան փոփոխություններ կատարելու համար։
Հանձնաժողովը եկել է եզրահանգման, որ օրինագծով առաջարկվող միջոցառումները կարող են հանգեցնել մարդու իրավունքների խախտումների և ոտնահարման։ Նշվել է, որ գերադասելի է համակարգային մոտեցումը, մինչդեռ վրացական փաստաթուղթը հենվում էր «անձնական» մոտեցման վրա:
ԵՄ խորհրդատվական մարմինն առաջարկում է քաղաքական կյանքի վրա օլիգարխների ազդեցության խնդիրը լուծել բազմաթիվ ոլորտներում համակարգային միջոցառումների, օրինակ՝ ԶԼՄ-ների, մենաշնորհների, քաղաքական կուսակցությունների, կոռուպցիայի դեմ պայքարի մասին օրենքներում հատուկ երաշխավորող քայլերի միջոցով:
Տաթև Ֆռանգյան
