29.11.2024 | 14:16
Արցախից բռնի տեղահանվածների՝ ՀՀ քաղաքացիության ձեռքբերման հարցերի շուրջ քննարկում ԱԺ-ում. ՈՒՂԻՂ
Վրաստանի օմբուդսմենն այցելել է Սաակաշվիլիին
Քաղաքականություն
20.03.2023 | 19:20
Հանրային պաշտպան Լևան Իոսելիանին այցելել է Վրաստանի նախկին նախագահ Միխեիլ Սաակաշվիլիին և նույն կլինիկայում բուժվող 13 բանտարկյալներին։ Այս մասին տեղեկացնում է jnews.ge-ն։
Իոսելիանին Սաակաշվիլիի հետ խոսել է գրեթե մեկ ժամ։
«Քանի որ ես բժիշկ չեմ և համապատասխան որակավորում չունեմ, նրա առողջական վիճակի մանրամասները չեմ քննարկի, դա մասնագետների գործն է։ Ես հաստատեցի, որ հանրային պաշտպանն իր լիազորությունների շրջանակում շարունակելու է վերահսկել նրա առողջական վիճակը»,- ասել է Լևան Իոսելիանին։
Օմբուդսմենը կարևորել է նաև նույն կլինիկայում գտնվող մյուս բանտարկյալների առողջական վիճակը:
«Նրանք ևս ունեն կոնկրետ կարիքներ, որոնք հանրային պաշտպանի գրասենյակի ներկայացուցիչները հետագայում ավելի մանրամասն կուսումնասիրեն։ Բոլոր բանտարկյալներին մաղթում եմ քաջառողջություն և շուտափույթ ազատ արձակում»։
