08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԵՄ-ն համաձայնեցրել է Ուկրաինային 2 միլիարդ դոլարի զինամթերք մատակարարելու ծրագիրը
Քաղաքականություն
20.03.2023 | 19:57
Եվրահանձնաժողովը, Եվրոպական արտաքին գործողությունների ծառայությունը և պաշտպանության 27 նախարարներն ավարտել են Ուկրաինային զինամթերքի մատակարարումն արագացնելու և եվրոպական պաշտպանական արդյունաբերությանն աջակցելու ծրագիրը, գրում է BBC-ի ռուսական ծառայությունը։
Այն նախատեսում է մասնակից երկրների ֆինանսական պարտավորություն՝ Ուկրաինայի համար 2 միլիարդ եվրոյի չափով զենք գնելու համար։
«Մեր նպատակն է զինամթերք տրամադրել Ուկրաինային՝ արագ, հնարավորինս մեծ քանակությամբ և ամենացածր գնով»,- ասել է ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը։
Նշվում է, որ Ուկրաինայում ռուսական զորքերն օրական արձակում են մոտ 20,000 արկ, մինչդեռ ուկրաինական բանակը չորսից հինգ անգամ ավելի պակաս արկեր է արձակում:
Հիշեցնենք՝ փետրվարի 9-ին Ուկրաինայի նախագահ Վլադիմիր Զելենսկին Եվրոպային խնդրել էր Կիևին տրամադրել մեկ միլիոն միավոր զինամթերք, այդ թվում՝ 155 մմ տրամաչափի արկեր։
Տաթև Ֆռանգյան
