16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Լավրովը թվարկել է, թե ինչ իրավունքներ պետք է ունենան ԼՂ բնակիչներաը՝ բերելով Կոսովոյի սերբերի օրինակը․ ՏԵՍԱՆՅՈՒԹ
Քաղաքականություն
20.03.2023 | 17:46
ՌԴ ԱԳ նախարար Սերգեյ Լավրովը Մոսկվայում ՀՀ ԱԳ նախարար Արարատ Միրզոյանի հետ համատեղ ասուլիսում թվարկել է, թե ինչ իրավունքներ պետք է ունենա ԼՂ բնակիչները։ Նա հայտարարել է, որ Մոսկվան պաշտպանում է Հայաստանի վարչապետ Նիկոլ Փաշինյանի արտահայտած դիրքորոշումը, որ Լեռնային Ղարաբաղի բնակիչների անվտանգության և իրավունքների ապահովման հարցերը պետք է լուծվեն հենց Ղարաբաղի և Բաքվի ներկայացուցիչների միջև։
«Իհարկե, մեզ համար կարևոր է հասկանալ, թե որքանով են որակյալ լինելու այդ պայմանագրերը: Եթե ցանկանում եք իմանալ իմ կարծիքը, ապա կան նորագույն պատմության շատ օրինակներ։ Նույն մասին էլ խոսվել է Մինսկի համաձայնագրերում, թե ինչ իրավունքներ պետք է ունենան Ուկրաինայի արևելյան հատվածի բնակիչները։ Մայրենի լեզվի իրավունք, երեխաներին այդ լեզվով սովորեցնելու, ապրելու, աշխատելու, իրենց մշակույթը, կրոնը պահպանելու, տեղական ինքնակառավարման հնարավորություն ունենալու և իրենց հայրենակիցների հետ որոշակի հատուկ կապեր ունենալու իրավունք»,- թվարկել է Լավրովը՝ բերելով նաև Կոսովոյի սերբերի օրինակը։
Ըստ Լավրովի՝ այս ամենն այնքան էլ բարդ բան չէ, ամեն ինչ կախված է այն բանից, թե որքան պարկեշտ իրենց կպահեն նրանք, ումից կախված կլինի ձեռք բերված պայմանավորվածությունների կատարումը։
Մանրամասները՝ տեսանյութում։
Տաթև Ֆռանգյան
