09.09.2026 | 12:23
Ուկրաինական ԱԹՍ-ները գրոհել են Նովոռոսիյսկը․ զոհվել է 4, վիրավորվել՝ 29 մարդ
ՀՀ-ում չկան հակառուսական նպատակաուղղված արշավներ․ Միրզոյանը՝ ռուս լրագրողի հարցին ի պատասխան․ ՏԵՍԱՆՅՈՒԹ
Քաղաքականություն
20.03.2023 | 17:26
ՀՀ ԱԳՆ ղեկավար Արարատ Միրզոյանը Մոսկվայում հայտարարել է, որ ՀՀ-ում չկան նպատակաուղղված հակառուսական արշավներ․ այդ մասին է վկայում նաև այն, որ ՀՀ-ում միանգամայն հարմարավետորեն ապրում ու գործունեություն են ծավալում հազարավոր ռուսներ։ Մոսկվայում Լավրովի հետ համատեղ ասուլիսում այսպես է Միրզոյանը պատասխանել Երևանում տարբեր քաղաքական շրջանակների կողմից ժամանակ առ ժամանակ հակառուսական բողոքի ակցիաներ կազմակերպելու վերաբերյալ ռուսական լրատվամիջոցներից մեկի հարցին։
«Ինչ վերաբերում է բողոքի ցույցերին, ապա ՀՀ Սահմանադրությունն ու օրենքները երաշխավորում են հավաքների անցկացումը, և սա վաղուց արդեն նորություն չէ։ Երևանում հաճախ են անցկացվում նաև բողոքի ցույցեր ընդդեմ երկրի ղեկավարության»,- հայտարարել է Միրզոյանը։
Նա, միաժամանակ, հրաժարվել է մեկնաբանել ռուսաստանցի որոշ քաղաքական գործիչների և լրատվամիջոցների ղեկավարների Հայաստան մուտքի արգելքի մասին հարցը։
Հիշեցնենք, որ ավելի վաղ Պետդումայի պատգամավոր Կոնստանտին Զատուլինը, RT-ի և Sputnik-ի գլխավոր խմբագիր Մարգարիտա Սիմոնյանը և մեդիա-մենեջեր Արամ Գաբրիելյանովը Հայաստանում հայտարարվել էին պերսոնա նոն գրատա։
Մանրամասները՝ տեսանյութում:
Տաթև Ֆռանգյան
