Քաղաքականություն
20.03.2023 | 18:44
Օրեր առաջ հացահատիկային գործարքը հերթական անգամ երկարաձգվեց, սական ՌԴ-ն սպառնում է մայիսի 18-ին դադարեցնել այն, եթե ռուսական պահանջները հաշվի չառնվեն։ Այս մասին ասվում է ՌԴ ԱԳՆ հայտարարության մեջ, գրում է BBC-ի ռուսական ծառայությունը։
«Նախաձեռնության երկարաձգման հետագա որոշումը կախված կլինի Ռուսաստան-ՄԱԿ Հուշագրի իրագործման համատեքստում հետևյալ պայմանների իրականացման առաջընթացից․ Ռոսսելխոզբանկի վերամիացումը SWIFT-ին, գյուղատնտեսական տեխնիկայի, պահեստամասերի և սպասարկման մատակարարումների վերսկսում, ապահովագրության և վերաապահովագրության սահմանափակումների վերացում, գումարած՝ նավահանգիստներ մուտքի արգելքի վերացում, «Տոլյատի-Օդեսա» ամոնիակային խողովակաշարի աշխատանքների վերականգնում, ռուսական ընկերությունների օտարերկրյա ակտիվների և հաշիվների ապաշրջափակում, որոնք կապված են սննդամթերքի և պարարտանյութերի արտադրության և փոխադրման հետ»,- ասվում է ՌԴ ԱԳՆ հաղորդագրության մեջ։
Նշվում է, որ «առանց նշված պահանջների կատարման առաջընթացի, որոնք նոր չեն և պետք է կատարվեն Ռուսաստան-ՄԱԿ հուշագրի շրջանակում, Ռուսաստանի մասնակցությունը նախաձեռնությանը կդադարեցվի»։
Հիշեցնենք, որ հացահատիկային գործարքը կնքվել է Ստամբուլում 2022 թվականի հուլիսի 22-ին ՄԱԿ-ի, Ռուսաստանի, Թուրքիայի և Ուկրաինայի մասնակցությամբ։
Էմմա Չոբանյան
