08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Չավուշօղլուն անդրադարձել է ՆԱՏՕ-ին Շվեդիայի անդամակցության հայտի վավերացման հնարավորությանը
Քաղաքականություն
20.03.2023 | 17:40
Թուրքիայի ԱԳ նախարար Մևլութ Չավուշօղլուն Եգիպտոս կատարած այցի վերաբերյալ լրագրողների հետ զրույցում անդրադարձել է նաև ՆԱՏՕ-ին Շվեդիայի և Ֆինլանդիայի անդամակցության թեմային, գրում են թուրքական լրատվամիջոցները։
«Անցյալ ուրբաթ ես հանդիպեցի Շվեդիայի արտաքին գործերի նախարարին (Տոբիաս Բիլստրյոմին), ասացի, որ մենք նման որոշման մասին կհայտարարենք Ֆինլանդիայի վերաբերյալ, և որ ուզում ենք, որ նրանք նախ մեզանից լսեն՝ մենք չենք ուզում, որ նրանք լսեն լրատվամիջոցներից: Մենք կարևորում ենք մեր երկկողմ հարաբերությունները և հարգում ենք դրանք, ես տեղեկություն եմ փոխանցել»,- ասել է Չավուշօղլուն՝ պատասխանելով հարցին՝ արդյո՞ք ՆԱՏՕ-ին Ֆինլանդիայի անդամակցության գործընթացից հետո փոխվել է Շվեդիայի հետ կապված վերաբերմունքը։
Նա հավելել է, որ հանդիպման ժամանակ Բիլստրյոմը հույս է հայտնել, որ Շվեդիայի անդամակցությունը վերջնականապես կավարտվի մինչև ՆԱՏՕ-ի գագաթնաժողովը։
«Ես ասացի նրան, որ ամեն ինչ կախված է ձեռնարկված քայլերից»,- նշել է թուրք պաշտոնյան։
Թուրքիան ԱԳ նախարարը նշել է, որ Շվեդիան ասում է՝ որոշ բաներ արել են, վճռական են, սակայն չի կարող գնահատական տալ՝ արդյո՞ք Շվեդիան կկատարի պահանջները։
Հիշեցնենք, որ Թուրքիայի նախագահ Ռեջեփ Թայիփ Էրդողանը մարտի 17-ին Ֆինլանդիայի նախագահի հետ հանդիպումից հետո կայացած մամուլի ասուլիսում հայտարարել է, որ Անկարան սկսում է ՆԱՏՕ-ին Հելսինկիի անդամակցության հայտի վավերացման գործընթացը։
Էմմա Չոբանյան
