16.01.2026 | 17:09
Էնթոնի Ջոշուան վերսկսել է մարզումները մահվան ելքով ավտովթարից հետո․ ՏԵՍԱՆՅՈՒԹ
Հյուսիսային Կորեայում «միջուկային հակահարվածով» զորավարժություններ են անցկացվել
Քաղաքականություն
20.03.2023 | 16:41
Հյուսիսային Կորեայում երկօրյա վարժանքներ են անցկացվել, որոնց շրջանակում երկրի բանակը «միջուկային հակահարված» է իրականացրել։ Այս մասին հայտնում է DW-ի ռուսական ծառայությունը՝ հյուսիսկորեական լրատվամիջոցներին հղումով։
Վարժանքներն անցկացվել են մարտի 18-ին ու 19-ին։ Դրանց ընթացքում տեղի է ունեցել նաև «տակտիկական բալիստիկ հրթիռի արձակում, որը հագեցած է եղել կեղծ միջուկային մարտագլխիկով»։
Հարավային Կորեայի գլխավոր շտաբի տվյալներով՝ ԿԺԴՀ-ի կողմից արձակված փոքր հեռահարության հրթիռն ընկել է ծովում։
Հյուսիսային Կորեայի բռնապետ Կիմ Չեն Ընը «գոհունակություն է է հայտնել» զորավարժություններից։
Հավելենք, որ ԿԺԴՀ-ի զորավարժությունները դարձել են չորրորդ «ուժի ցուցադրությունը» անցած շաբաթվա ընթացքում և տեղի են ունեցել Հարավային Կորեայի և ԱՄՆ-ի համատեղ զորավարժությունների ֆոնին, որոնք սկսվել են մարտի 13-ին։
Սպասվում է, որ վերջին հինգ տարում երկու երկրների խոշորագույն զորավարժությունները կտևեն մինչև մարտի 23-ը։
Տաթև Ֆռանգյան
