21.11.2024 | 20:59
Թուրքիան հազարավոր հետաքննություններ է սկսել «ապատեղեկատվության մասին օրենքով»՝ 2 տարվա ընթացքում 33 լրագրողների ազատազրկելով
Հայաստանն առայժմ չի կարողացել ապացուցել իր կարևորությունը. ապաքաղաքական զրույց Ռիչարդ Ազարնիայի հետ. ՏԵՍԱՆՅՈՒԹ
Հաղորդաշարեր
19.03.2023 | 21:02
Factor TV-ի A-politic հաղորդաշարի հյուրն է ֆրանսիահայ գործարար Ռիչարդ Ազարնիան: Նրա համոզմամբ՝ քրիստոնեական և կոմունիստական գաղափարախոսությունները, որոնք պնդում են, թե «հարուստ լինելը մեղք է», իրենց ազդեցությունն են թողել հայաստանյան հասարակության վրա: Սակայն ժամանակակից մտածողությունը նոր գաղափարներ է առաջարկում. փողը կարելի է շռայլել, անգամ վառել, բայց կարելի է աշխատել բարի նպատակների համար: Դա ընդամենը գործիքներից մեկն է, որով հնարավոր է նաև ապահովել մարդկանց բարեկեցությունն ու անվտանգությունը:
Հաղորդման հյուրը բնական է համարում, որ հայերն իրենց կյանքը ծրագրում են կարճաժամկետ ծրագրերի համար: Դա, նրա կարծիքով, պայմանավորված է survivor-ի (վերապրածի) հոգեբանությամբ, որը, սակայն, կարելի է հաղթահարել այն հայերի օգնությամբ, որոնք երկար ժամանակ, արդեն մի քանի սերունդ ապրում են համեմատաբար անվտանգ երկրներում: Հայաստանի նման երկրներում միջոցների, ռեսուրսների սղությունը բերում է փոխադարձ կասկածամտության: Սակայն գործարարը հորդորում է փնտրել ու գտնել բոլոր երևույթների դրական դրսևորումներ: Այդ համատեքստում նա անդրադառնում է կիրթ, զարգացած ռուսաստանցիների՝ Հայաստանում հայտնվելու փաստին:
Խոսելով Հայաստան-Սփյուռք հարաբերությունների մասին՝ Ռիչարդ Ազարնիան նախ նշում է, որ աշխարհում կան հազարավոր հայեր, որոնց հայկական օրակարգը չի հետաքրքրում, և դա նրանց ընտրությունն է, որը պետք է հարգել: Իսկ մնացած սփյուռքահայերը հնարավորություն ունեն հայրենիքին առաջարկել իրենց գիտելիքներն ու ունակությունները՝ սովորելով և սովորեցնելով:
Մանրամասները տեսանյութում:
Արամ Աբրահամյան
