14.01.2025 | 16:15
Լավրովն ԱՄՆ-ին մեղադրել է ««Թուրքական հոսքը» շարքից դուրս բերելու ցանկության» մեջ
Վլադիմիր Պուտինն այցելել է Մարիուպոլ
Քաղաքականություն
19.03.2023 | 11:49
ՌԴ նախագահ Վլադիմիր Պուտինն աշխատանքային այցով մեկնել է Մարիուպոլ, որտեղ ծանոթացել է քաղաքի մի շարք օբյեկտներին և զրուցել տեղի բնակիչների հետ: Այս մասին հաղորդել է Կրեմլի մամուլի ծառայությունը, փոխանցում է «Ինտերֆաքս»-ը։
Նշվում է, որ պետության ղեկավարը Մարիուպոլ է մեկնել ուղղաթիռով։ Նա մեքենա վարելով շրջել է քաղաքի մի քանի շրջաններով՝ ունենալով կանգառներ։ Ուղևորության ընթացքում փոխվարչապետ Մարատ Խուսնուլլինը նախագահին մանրամասն զեկուցել է քաղաքում և շրջակայքում շինարարական և վերականգնողական աշխատանքների ընթացքի մասին։
«Խոսքը, մասնավորապես, նոր բնակելի թաղամասերի, սոցիալական և կրթական օբյեկտների, բնակարանային և կոմունալ ծառայությունների ենթակառուցվածքների, բուժհաստատությունների կառուցման մասին է», – ասացին մամուլի ծառայությունից։
«Պետության ղեկավարը զննել է նաև Մարիուպոլի ափամերձ գիծը՝ զբոսանավերի ակումբի, թատրոնի շենքի, քաղաքի հիշարժան վայրերի տարածքում», – հավելել է մամուլի ծառայությունը։
