27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Ղազախստանում այսօր խորհրդարանական ընտրություններ են անցկացվում
Քաղաքականություն
19.03.2023 | 10:58
Այսօր Ղազախստանում խորհրդարանական ընտրություններ են անցկացվում։ Երկրի ողջ տարածքում բացվել են ընտրատեղամասեր Մեջիլիսի (խորհրդարանի ստորին պալատի) և մասլիխաթների (տեղական ներկայացուցչական մարմիններ) պատգամավորների արտահերթ ընտրությունների համար, ասել է հանրապետության Կենտրոնական ընտրական հանձնաժողովի քարտուղար Մուխթար Երմանը․ հաղորդում է «Ռիա Նովոստի»-ն։
Աստանայի ժամանակով առավոտյան ժամը 7:00-ին (Երևանի ժամանակով 05:00-ին) ընտրատեղամասերը բացվել են Ղազախստանի շրջանների մեծ մասում: Աստանայի ժամանակով ժամը 8.00-ին (Երևանի ժամանակով 6.00-ին) քվեարկությունը սկսվել է արևմտյան շրջաններում՝ Արևմտյան Ղազախստան, Ատիրաու, Ակտոբե, Կիզիլորդա և Մանգիստաու շրջաններում:
«Ըստ Ալմաթի, Շիմքենդ և Աստանա քաղաքների տարածաշրջանային հանձնաժողովների տրամադրած օպերատիվ տվյալների՝ քվեարկությունը սկսել են երկրի բոլոր 10146 ընտրատեղամասերը և արտասահմանյան երկրներում Ղազախստանի Հանրապետության ներկայացուցչությունների 18 ընտրատեղամասերը»,-ճեպազրույցի ժամանակ ասել է Երմանը։
