15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Մխիթարյանի հետ փորձել եմ խոսել Հայաստան ժամանելուն պես, նա չցանկացավ հանդիպել․ Պետրակով․ ՏԵՍԱՆՅՈՒԹ
17.03.2023 | 12:45
Հայաստանի ազգային հավաքականի գլխավոր մարզիչ Ալեքսանդր Պետրակովը Հայաստան ժամանելուն պես փորձել է կապ հաստատել Հենրիխ Մխիթարյանի հետ, բայց ապարդյուն։ Այս մասին նա հայտնեց այսօր հրավիրված ասուլիսում։
Մարզիչը հայտարարեց, թե տարբեր աղբյուրներից իրեն ասել են, որ Հենրիխ Մխիթարյանը չի ցանկանում վերանայել իր՝ Հայաստանի ազգային հավաքականում կարիերան ավարտելու մասին որոշումը։
«Ես իմ օգնական Ռոման Բերեզովսկուն խնդրեցի կապ հաստատել նրա հետ ու հասկանալ, թե ինչ դիրքորոշում ունի, բայց Մխիթարյանը Բերեզովսկուն ասել է, որ արդեն կայացրել է իր որոշումն ու չի պատրաստվում փոխել այն։ Կարծում եմ՝ պետք է հարգենք Հենրիխի որոշումը, նա Հայաստանի համար եզակի ֆուտբոլիստ է, անձամբ չեմ ճանաչում նրան, բայց, բոլոր մարդկանց կարծիքները հաշվի առնելով, լսել եմ, որ շատ լավ մարդ է ու շատ լավ ֆուտբոլիստ»,- ասաց Պետրակովը։
Հայաստանի հավաքականի գլխավոր մարզիչն առանձին հանդիպում է խնդրել Հենրիխ Մխիթարյանի հետ, բայց Մխիթարյանը չի ցանկացել։
«Պատրաստ էի մեկնել Միլան, որպեսզի պարզապես զրուցենք, սակայն նա չցանկացավ հանդիպել»,- նշեց Ալեքսանդր Պետրակովը։
