19.05.2024 | 17:27
Արարատ Միրզոյանը մայիսի 20-ին աշխատանքային այցով կմեկնի Վիեննա
Կառավարությունում մշակվում է ռազմավարություն, որը միտված է սփյուռքի մտավոր և ֆինանսական ներուժի արդյունավետ օգտագործմանը, հայրենադարձության ապահովմանը. Սփյուռքի փոխնախարար
Հասարակություն
21.06.2018 | 17:35
Հունիսի 21-ին Սփյուռքի նախարարությունում տեղի ունեցավ տեսաժողով Ֆրանսիայի հայկական համայնքի «Հայասա» ֆեդերացիայի ներկայացուցիչների հետ, որին մասնակցեցին սփյուռքի նախարարի տեղակալ Բաբկեն Տեր Գրիգորյանը, Եվրոպայի հայ համայնքների վարչության աշխատակիցներ:
Ֆրանսիայից տեսակապին մասնակցեցին «Հայասա» ֆեդերացիայի նախագահ Հայկ Շահինյանը, «Հայասա» միության համահիմնադիր Նարեկ Ոսկանյանը, «Info Armenie» լրատվամիջոցի ներկայացուցիչ Նարե Թադևոսյանը, , «Ազատ ձայն» կազմակերպության նախագահ Վիգեն Ակոպոֆֆը, «Հայասա» ֆեդերացիայի անդամ Անի Հովհաննիսյանը:
Ողջունելով տեսաժողովի մասնակիցներին՝ սփյուռքի նախարարի տեղակալ Բաբկեն Տեր Գրիգորյանը նշեց. «Ողջունում եմ ձեր պատրաստակամությունը համագործակցել նախարարության հետ, մասնակցել նոր Հայաստանի ծրագրերին: Կառավարությունում մշակվում է հայապահպանության և հայրենադարձության ռազմավարություն, որը միտված է Հայաստանի զարգացման համար սփյուռքի մտավոր և ֆինանսական ներուժի արդյունավետ օգտագործմանը, հայրենադարձության համար համապատասխան պայմանների ապահովմանը»:
Փոխնախարարը լսեց «Հայասա» ֆեդերացիայի նախագահ Հայկ Շահինյանի դիտարկումներն ու առաջարկները, հորդորեց դրական մթնոլորտում աշխատել համայնքի բոլոր կազմակերպությունների հետ,կարևորեց համայնքի համախմբվածությունն ու միասնականությունը, համագործակցության շրջանակների ընդլայնումը:
«Հայասա» ֆեդերացիայի անդամ Անի Հովհաննիսյանը խոսելով տուրիզմի զարգացման հնարավորությունների մասին՝ հավելեց. « Տուրիզմը կարող է լինել մշակութային երկխոսության գործիք Հայաստանի և սփյուռքի միջև և ապահովել շբոսաշրջիկների մեծ հոսք դեպի Հայաստան»:
Քննարկվեցին հայկական համայնքում առկա խնդիրներին, Հայաստանի տնտեսության զարգացմանն ուղղված առաջիկա ծրագրերին, տուրիզմի, սպորտի և կրթության ոլորտներում համագործակցության շրջանակներին վերաբերող հարցեր:
