06.10.2026 | 16:45
Սեղաններին կանգնած պատգամավորներ ու հրմշտոց․ ինչից ծագեց ԱԺ-ում բախումը․ ՏԵՍԱՆՅՈՒԹ
Անհրաժեշտության դեպքում կգնամ հարցաքննության. Անահիտ Ավանեսյան․ ՏԵՍԱՆՅՈՒԹ
Հասարակություն
16.03.2023 | 13:26
Եթե նախաքննությունը հարմար գտնի «քովիդի գործով» հարցաքննել նաև նախարարներին, կհրավիրի և կհարցաքննի։ Այս մասին կառավարության նիստից հետո լրագրողների հետ զրույցում հայտարարեց առողջապահության նախարար Անահիտ Ավանեսյանը։
«Կարծում եմ` հարցաքննությունը «ինտերվյու» չէ, որ պատրաստ լինեմ կամ չլինեմ։ Անհրաժեշտության դեպքում միանշանակ պատրաստ եմ հարցաքննվել»,–ասաց նախարարը` հավելելով, որ ամենևին մտահոգություն, չունի, որ կարող է քրգործը հասնել նաև նախարարների մակարդակին։
Իր նախկին տեղակալ Սիմոնյանի (ավելի ուշ՝ Երևանի փոխքաղաքապետ Գևորգ Սիմոնյան -խմբ.) կալանավորման հետ կապված Ավանեսյանը կարծում է, որ փաստաբանները կդիմեն խափանման միջոց ընտրված կալանքը փոխելու համար, քանի որ վստահ է, որ Սիմոնյանը որևէ կերպ չի խոչընդոտի գործի արդար քննությանը։
Ինչ վերաբերում է իր պաշտոնավարման ժամանակ ևս վարակի կանխարգելման համար դուրս գրված գումարներին, նախարարը հայտնեց, որ Covid–ի ողջ ընթացքում ֆինանսական հատկացումներ եղել են Covid–ը սպասարկվող բոլոր բժշկական կենտրոններին։ 2021 թվականին ևս «Մեդլայնը» ընդգրկված եղել է բժշկական կենտրոնների ցանկում:
Մանրամասները՝ տեսանյութում։
