26.02.2026 | 17:21
Ինչպես են Փաշինյանին դիմավորում Վարշավայում․ ՏԵՍԱՆՅՈՒԹ
Չեզոք օդային տարածքում ռուսական ինքնաթիռների վրա հարձակումը պատերազմի հայտարարում կլինի․ ԱՄՆ-ում ՌԴ դեսպան
Քաղաքականություն
16.03.2023 | 10:53
ԱՄՆ-ում Ռուսաստանի դեսպան Անատոլի Անտոնովը հայտարարել է, որ եթե ԱՄՆ-ն սկսի խոցել ռուսական ինքնաթիռները չեզոք օդային տարածքում, դա հավասարազոր կլինի Ռուսաստանին պատերազմ հայտարարելուն։ Այսպես է նա արձագանքել սենատոր Լինդսի Գրեմի այն կոչին, թե MQ-9 Reaper անօդաչու թռչող սարքի հետ կապված միջադեպից հետո պետք է խոցել ռուսական ռազմաօդային ուժերի ինքնաթիռները՝ ամերիկյան սարքավորումներին սպառնալիքի դեպքում, փոխանցում է BBC-ի ռուսական ծառայությունը։
«Չեզոք օդային տարածքում ռուսական ինքնաթիռի վրա դիտավորյալ հարձակումը ոչ միայն հանցագործություն է միջազգային իրավունքի համաձայն, այլ նաև պատերազմի բացահայտ հայտարարում ամենամեծ միջուկային տերությանը», – ասել է Անտոնովը։
Երեքշաբթի երեկոյան Գրեմը (Հանրապետական կուսակցության ազդեցիկ անդամ, որը կոշտ դիրքորոշում ունի Ռուսաստանի նկատմամբ և խստորեն դատապարտում է Ուկրաինայի դեմ ագրեսիան) կոչ է արել Կրեմլին պատասխանատվության ենթարկել ամերիկյան անօդաչու թռչող սարքի խոցման համար։
Միաժամանակ նա քննադատել է ԱՄՆ նախագահ Ջո Բայդենին MQ-9 Reaper-ի հետ միջադեպին, իր կարծիքով, ոչ բավարար վճռական պատասխանի համար։
Տաթև Ֆռանգյան
