17.05.2026 | 12:40
ՄԻՊ-ը խիստ մտահոգիչ է համարում «Նուբարաշենի» հոգեբուժարանում արձանագրված ինքնասպանության դեպքը
Ի՞նչ են քննարկել Էրդողանն ու Ալիևն Անկարայում կայացած հանդիպմանը
Քաղաքականություն
16.03.2023 | 10:30
Ադրբեջանի ու Թուրքիայի նախագահներ Իլհամ Ալիևն ու Ռեջեփ Թայիփ Էրդողանը Անկարայում քննարկել են երկկողմ հարաբերությունները և հայ-ադրբեջանական հարաբերությունների կարգավորումը։ Այս մասին հայտնում է Ադրբեջանի նախագահականը։
«Զրույցի ընթացքում նախագահները մտքեր են փոխանակել Ադրբեջանի և Հայաստանի միջև հարաբերությունների կարգավորման գործընթացի և խաղաղության պայմանագրի շուրջ բանակցությունների ընթացքի շուրջ»,-ասվում է հաղորդագրության մեջ։
Ալիևն ու Էրդողանը, անդրադառնալով երկկողմ հարաբերություններին, ընդգծել են Ադրբեջանի և Թուրքիայի միջև «հաջող համագործակցությունը բոլոր ոլորտներում»։
«Նախագահները քննարկել են երկկողմ համագործակցության խորացումը քաղաքական, տնտեսական, առևտրային, էներգետիկ ոլորտներում, պաշտպանական և պաշտպանական արդյունաբերության ոլորտներում, ինչպես նաև քննարկել են տարածաշրջանային խնդիրներ»,- ասվում է հաղորդագրության մեջ։
Թուրքական կողմը հանդիպումից մանրամասներ չի հաղորում։ Նշվում է, որ հանդիպումը փակ է եղել մամուլի համար։ Հավելենք, որ Ալիևը մեկնել է Թուրքիա՝ մասնակցելու Թյուրքական պետությունների կազմակերպության արտահերթ գագաթնաժողովին։
Էմմա Չոբանյան
