27.06.2026 | 15:22
Ռաիսա Մկրտչյանի մահվան կապակցությամբ ստեղծվել է թաղման հանձնաժողով
Սալիվանն Էրդողանի խորհրդականի հետ կքննարկի ՆԱՏՕ-ին Շվեդիայի և Ֆինլանդիայի անդամակցության հարցը
14.03.2023 | 13:27
ԱՄՆ նախագահ Ջո Բայդենի ազգային անվտանգության հարցերով Ջեյք Սալիվանն այսօր Վաշինգտոնում հանդիպելու է Թուրքիայի նախագահ Ռեջեփ Թայիփ Էրդողանի խոսնակ և գլխավոր խորհրդական Իբրահիմ Քալընի հետ։
Մասնավորապես, նախօրեին Սալիվանը, որն ուղեկցում է նախագահ Ջո Բայդենին Սան Դիեգո այցի ընթացքում՝ հանդիպելու Ավստրալիայի վարչապետ Էնթոնի Ալբանեզի և Մեծ Բրիտանիայի վարչապետ Ռիշի Սունակի հետ AUKUS համաձայնագրի շրջանակում, լրագրողների հետ զրույցում անդրադարձել է ՆԱՏՕ-ին Շվեդիայի և Ֆինլանդիայի անդամակցության խնդրին՝ նշելով, որ դա տեղի կունենա։
«Ես հավատում եմ, որ պատճառ չկա, որ դա չապահովվի այս ամառ նախանշված գագաթնաժողովով՝ և՛ Ֆինլանդիայի, և՛ Շվեդիայի համար: Եվ մենք սերտ կապի մեջ կմնանք ոչ միայն ֆինների ու շվեդների, այլ թուրքերի հետ։ Ես վաղը Վաշինգտոնում հանդիպելու եմ Թուրքիայի ազգային անվտանգության հարցերով խորհրդականի հետ, և մենք հնարավորություն կունենանք խոսել այս հարցի, ինչպես նաև 127 այլ հարցերի մասին, որոնք առնչվում են ԱՄՆ-Թուրքիա հարաբերություններին»,- ասել է Սալիվանը։
Էմմա Չոբանյան
