01.11.2024 | 21:16
Ադրբեջանի Մեջլիսի նախագահն ու Բաքվում ՌԴ դեսպանը Եվրախորհրդարանի «հակաադրբեջանական գործողություններն» են քննարկել
Պետք չէ զարմանալ Գյումրիում մաքսատան դիմաց ավտոմեքենաների հերթերից. ՊԵԿ նախագահ. ՏԵՍԱՆՅՈւԹ
Տնտեսություն
13.03.2023 | 20:21
Պետական եկամուտների կոմիտեի նախագահ Ռուստամ Բադասյանը բնական է համարում Գյումրու նորակառույց՝ Հյուսիսային մաքսատան դիմաց ավտոմեքենաների մեծ հերթերը։
«Այցելել եմ մաքսատուն, տեսել եմ մեծ հերթերը․ դրանք պայմանավորված են նաև նրանով, որ մենք, ժամանակին հաշվի առնելով Գյումրի քաղաքի շահերը, որոշել ենք, որ ավտոմեքենաների մաքսազերծումը պետք է տեղի ունենա Գյումրիում, և նման դեպքում հեթերից զարմանալ պետք չէ, ամբողջ ծավալը գալիս, կուտակվում է։
Իհարկե, վերջին ամիսներին այնքան շատացավ, որ մենք ժամանակավոր թե՛ արևելյան մաքսատանը՝ Վանաձորում և թե՛ Երևանում կազմակերպեցինք գործընթացը։ Այնտեղ հոսքերի հետ կապված խնդիրներ առաջացան, և հիմա Գյումրիում, բնականաբար, մեծ հերթեր են։
Կապված է նաև նրա հետ, որ ԵՏՄ որոշ երկրներ այնուհետև ապրանքները վերարտահանում են»։
Ռուստամ Բադասյանը տեղեկացրեց, որ օրական 200-ից ավելի տարանցման հայտարարագիր է գրվում Գյումրու մաքսատանը, և ավելի քան 200 մաքսազերծման պրոցես է կատարվում։
Այն, ըստ ՊԵԿ նախագահի, հսկայական հոսք է, որը նախկինում չկար։
ՊԵԿ նախագահն անդրադարձավ նաև թմրամիջոցների ներկրմանը, նշելով, որ բավական շատացել են ներկրման փորձերը, պատկերը մտահոգիչ է։
Մանրամասները՝ FactorTV-ի տեսանյութում։
Արմիկ Մովսիսյան
