15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
Ադրբեջանում գյուղերի բնակիչները ջրի դեֆիցիտի պատճառով ճանապարհներ են փակել. ոստիկանների հետ բախումների հետևանքով վիրավորներ կան. ՏԵՍԱՆՅՈՒԹ
Քաղաքականություն
13.03.2023 | 21:37
Ադրբեջանի Սաաթլիի շրջանի Նաբաթքենդ և Օրտա Մուղան գյուղերի բնակիչներն այսօր փորձել են փակել Բաքու տանող գլխավոր ճանապարհը։ Նրանք բողոքել են ջրի դեֆիցիտի դեմ, գրում են տեղական լրատվամիջոցները։
Տեղի բնակիչները հայտնել են, որ երկար ժամանակ է՝ ջուր չի մատակարարվել գյուղատնտեսական հողատարածքներին։
«Նույնիսկ խմելու ջուր չկա, ջրանցքները դատարկ են։ Մենք բազմիցս դիմել ենք տարբեր մարմինների, բայց ոչ մի օգուտ»,- ասել է ակցիայի մասնակիցներից մեկը՝ բողոքելով, որ պետությունը որևէ կերպ չի հոգում մարդկանց կարիքները։
Ոստիկանները բիրտ ուժ են կիրառել ակցիայի մասնակիցների նկատմամբ։ Ըստ նախնական տեղեկությունների՝ ռետինե փամփուշտներից վնասվածքներ ստացած երկու մարդ հոսպիտալացվել է, շուրջ 10 ձերբակալված կա։ Սոցցանցերում նաև տեղեկություն է տարածվում, որ վիրավորների թիվը երեքն է։
ՆԳՆ մամուլի ծառայությունից հաստատել են, որ այս գյուղերի բնակիչները փորձել են փակել մայրուղին՝ բողոքելով ջրի հետ կապված խնդիրների պատճառով։ Նշվում է, որ մարդկանց ձերբակալել են հասարակական կարգը խախտելու համար։
Համացանցում այսօրվա բողոքի ակցիայից ու բախումներից տեսանյութեր են հրապարակվում։
Հավելենք, որ Factor.am-ն ավելի վաղ անդրադարձել էր Ադրբեջանում ահագնացող ջրի դեֆիցիտի խնդրին։
Էմմա Չոբանյան
